මේ දිනවල පවතින නිවාඩු කාලයත් එක්ක රටේ විදුලි ඉල්ලුම ගොඩක් අඩු වෙලා තියෙනවා. ඒ නිසා ජාතික විදුලි පද්ධතියේ ස්ථාවරභාවය ආරක්ෂා කරගන්න විශේෂ පියවරක් ගන්න ජාතික පද්ධති ක්රියාකරු ආයතනය තීරණය කරලා තියෙනවා. ඒ අනුව, කිලෝවොට් 300කට වඩා වැඩි ධාරිතාවකින් යුත් වහල මත සවිකර ඇති සූර්ය බලශක්ති පද්ධති හිමිකරුවන්ට තම පද්ධති තාවකාලිකව අක්රිය කරන ලෙස දැනුම් දීලා තියෙනවා.
මෙම නියෝගයට අනුව, අදාළ සූර්ය බලශක්ති පද්ධති අගෝස්තු 27 වැනිදා සිට එළඹෙන ඉරිදා දක්වා දිනපතා උදෑසන 8.00 සිට පස්වරු 3.00 දක්වා කාලය තුළ විදුලිය උත්පාදනය කිරීම නවත්වන්න ඕනේ. නිවාඩු දිනවලදී විදුලි පද්ධතියට ලැබෙන විදුලි ප්රමාණය පාලනය කරගැනීම සහ පද්ධතියේ සමතුලිතතාවය පවත්වාගෙන යාම සඳහා මේ තීරණය අත්යවශ්ය බවයි බලධාරීන් පෙන්වා දෙන්නේ.
මේ සම්බන්ධයෙන් දැනුම් දී ඇති සියලුම සූර්ය බලශක්ති පද්ධති හිමිකරුවන් අදාළ කාලසීමාව තුළ මෙම උපදෙස් නිසි පරිදි පිළිපදින ලෙස ඉල්ලා සිටිනවා. විදුලි පද්ධතියේ ආරක්ෂාව වෙනුවෙන් ගන්නා මේ තාවකාලික පියවර පිළිබඳව අදාළ පාර්ශ්වයන් දැනුවත් කර තිබෙන අතර, පද්ධතියේ ස්ථාවරභාවය පවත්වා ගැනීමට සියලු දෙනාගේ සහයෝගය බලාපොරොත්තු වෙනවා.

Discussion & Feedback