ඔන්න භීෂණ චිත්‍රපට රසිකයන්ට ආයෙත් පාරක් සුපිරි ආරංචියක් ලැබිලා තියෙනවා. ස්ටීවන් කිංගේ නවකතාවක් ඇසුරින් ස්ටැන්ලි කුබ්රික් අධ්‍යක්ෂණය කරපු අතිශය ජනප්‍රිය ‘ද ෂයිනින්’ (The Shining) චිත්‍රපටය ඔක්තෝබර් පළවෙනිදා ඉඳන් HBO Max හරහා නැවතත් නරඹන්න පුළුවන් වෙනවා. වසර 46කට කලින් තිරගත වුණත්, අදටත් මේ චිත්‍රපටය භීෂණ චිත්‍රපට ලැයිස්තුවේ ඉහළින්ම තියෙන එකක්. ජැක් නිකල්සන් ප්‍රධාන චරිතයට පණ පොවන මේ කතාව, හුදෙකලා හෝටලයකදී පවුලකට මුහුණ දෙන්න වෙන අද්භූත සහ බියකරු අත්දැකීම් වටා ගෙතී තිබෙනවා.
ඇත්තටම මේ චිත්‍රපටය මුල් කාලයේදී ස්ටීවන් කිංගේ දැඩි විවේචනයට ලක් වුණා. මොකද පොතේ තිබුණ දේවල් චිත්‍රපටයේදී ගොඩක් වෙනස් කරලා තිබුණ නිසා. හැබැයි කාලයත් එක්ක මේ නිර්මාණය ලෝකයේම ආදරය දිනාගත්තා. විශේෂයෙන්ම මයික් ෆ්ලැනගන්ගේ ‘ඩොක්ටර් ස්ලීප්’ චිත්‍රපටය හරහා මේ කතාවේ අඛණ්ඩ පැවැත්මක් දකින්න ලැබුණා. දැන් HBO Max හරහා මේ චිත්‍රපටය නැවත නිකුත් කිරීමත් එක්ක, ස්ටීවන් කිංගේ තවත් නිර්මාණ රැසක් එකම තැනකින් රසවිඳින්න ප්‍රේක්ෂකයන්ට අවස්ථාව ලැබෙනවා. ඔයාලත් භීෂණ චිත්‍රපටවලට කැමති නම්, මේ අවස්ථාව මගහැරගන්න එපා.
Discussion & Feedback