මේ දවස්වල ගේමින් ලෝකයේ ගොඩක් දෙනෙක් කතා වෙන අලුත්ම මාතෘකාවක් තමයි Steam එකේ නොමිලේම ලබාගන්න පුළුවන් ‘Little Incrementisle’ කියන ගේම් එක. කිසිම අමතර ගාස්තුවක් නැතුව, මයික්‍රොට්‍රාන්සැක්ෂන් (microtransactions) වගේ දේවල් නැතුව සම්පූර්ණයෙන්ම නොමිලේම ඔයාලට මේක ඩවුන්ලෝඩ් කරගන්න පුළුවන්. මේක ඇවිල්ලා එකින් එකට වෙනස් වන දූපත්වල තමන්ගේම ජනපදයක් ගොඩනගන්න තියෙන ‘incremental colony-building’ වර්ගයේ ගේම් එකක්. ගේම් එකේ තියෙන සරල බව වගේම ඒකේ තියෙන අභියෝගාත්මක බව නිසා ගොඩක් දෙනෙක් මේකට දැන් ඇබ්බැහි වෙලා ඉන්නවා කිව්වොත් නිවැරදියි.
මේ ගේම් එක දැනටමත් Steam එකේ ‘very positive’ කියන රේටින් එක ලබාගෙන තියෙනවා. සතියක් ඇතුළත 25,000කට වඩා වැඩි පිරිසක් මේක ඩවුන්ලෝඩ් කරගෙන තියෙනවා කියන්නේ මේකේ තියෙන ජනප්‍රියත්වය ගැන අමුතුවෙන් කියන්න ඕනේ නැහැනේ. ගේම් එක ප්ලේ කරන අය කියන විදිහට, මුල් දූපත් ටික ලේසි වුණාට හතරවෙනි දූපතේ ඉඳන් ගේම් එක හරිම රසවත් සහ සංකීර්ණ වෙනවා. පැය 3 සිට 10ක් වගේ කාලයක් හරිම සැහැල්ලුවෙන් මේක ප්ලේ කරන්න පුළුවන්. ඉතින් ඔයාලත් Steam එකේ ගේම්ස් ප්ලේ කරන කෙනෙක් නම්, මේක අනිවාර්යයෙන්ම ට්‍රයි කරලා බලන්න. මොකද මේ වගේ සුපිරි ගේම් එකක් නොමිලේම ලැබෙන එක ඇත්තටම වටිනවා.
Discussion & Feedback