ඔන්න ගේම් ගහන අයට සුපිරි ආරංචියක්! ස්ටීම් (Steam) හරහා මේ දවස්වල ජනප්රිය PixARK කියන ඕපන් වර්ල්ඩ් සර්වයිවල් ගේම් එක සම්පූර්ණයෙන්ම නොමිලේ ලබාගන්න පුළුවන් වෙලා තියෙනවා. 2019 වසරේදී එළිදැක්වුණු මේ ක්රීඩාව මයින්ක්රාෆ්ට් (Minecraft) සහ ARK: Survival Evolved කියන ගේම් දෙකේ එකතුවක් වගේ තමයි දැනෙන්නේ. මෙහිදී ඔයාලට ඩයිනෝසරයන් සහ විවිධ මිත්යා සතුන් ඉන්න ලෝකයක තනිවම හෝ යාළුවෝ එක්ක එකතු වෙලා තමන්ගේම කඳවුරු හදන්න, ආයුධ නිර්මාණය කරන්න සහ සතුන් හීලෑ කරගන්න පුළුවන්. මේකේ තියෙන විශේෂම දේ තමයි හැම මැප් එකක්ම අලුතින් නිර්මාණය වෙන්න (procedurally generated) හදලා තියෙන එක. ඒ නිසා හැම වෙලාවකම ඔයාලට අලුත් අත්දැකීමක් ලබන්න පුළුවන්.
මේ ගේම් එකේදී ඔයාලට මකරුන් පිටේ යන්න, බලගතු මැජික් පාවිච්චි කරන්න වගේම රොකට් ලෝන්චර් පවා පාවිච්චි කරලා සතුරන් පරාජය කරන්න හැකියාව තියෙනවා. සතුන් 100කට වඩා හීලෑ කරලා තමන්ගේම හමුදාවක් හදාගන්නත් මෙහිදී පුළුවන්. මේ නොමිලේ ලබාදෙන අවස්ථාව අගෝස්තු 31 වැනිදා සවස 6න් අවසන් වෙනවා. ඒ නිසා ඔයාලත් මේ වගේ වික්රමාන්විත ලෝකයකට ගොඩවෙන්න කැමති නම්, ඉක්මනින්ම ස්ටීම් හරහා මේ ගේම් එක ඩවුන්ලෝඩ් කරගන්න. මේ වගේ අවස්ථාවක් ආයෙත් ලැබෙන්නේ නැති නිසා මේ පැය 72 ඇතුළත මේ සුපිරි ගේම් එක අත්හදා බලන්න අමතක කරන්න එපා.
Discussion & Feedback