Steam හරහා නොමිලේම ලැබෙන අතිවිශිෂ්ට රහස් පරීක්ෂක ක්‍රීඩාව HoloTrials

මේ දවස්වල අලුත් ගේම් එකක් ගන්න ගියාම ලොකු වියදමක් යන නිසා ගොඩක් අය නොමිලේ ලැබෙන හොඳ ගේම් එකක් හොයනවා. ඉතින් Steam එකේ අලුතින්ම නිකුත් වුණු ‘HoloTrials: Case Covered’ කියන මේ රහස් පරීක්ෂක ක්‍රීඩාව මේ වෙද්දී ගේමර්ස්ලා අතර ගොඩක් ජනප්‍රිය වෙලා තියෙනවා. 98%ක්ම ඉතා හොඳ ප්‍රතිචාර ලැබිලා තියෙන මේ ගේම් එක, ප්‍රසිද්ධ ‘Ace Attorney’ ක්‍රීඩා මාලාවට සමානකම් දක්වන නිසා රහස් පරීක්ෂක කතා වලට කැමති අයට නම් මේක නියම අත්දැකීමක් වෙයි.

මේ කතාව දිග හැරෙන්නේ ‘Holohigh’ පාසල පසුබිම් කරගෙනයි. මෙහිදී ඔයාට සිද්ධ වෙන්නේ තමන්ගේ හොඳම යාළුවා වුණු Gawr Gura ව අසාධාරණ චෝදනාවකින් බේරගන්නයි. Amelia Watson විදිහට ඔයාට සාක්ෂි හොයන්න, විමර්ශන කරන්න සහ උසාවියේදී තර්ක කරන්න සිද්ධ වෙනවා. මේ ගේම් එකේ තියෙන කාටූන් වගේ ලස්සන චිත්‍ර කලාව සහ විහිලු පිරිච්ච දෙබස් නිසා ගේම් එක සෙල්ලම් කරන අතරතුර ඔයාට හරිම විනෝදයක් දැනේවි.

මේ ගේම් එකේ අමතරව පොඩි පොඩි පසල් සහ මිනි-ගේම්ස් පවා ඇතුළත් කරලා තියෙනවා. කිසිම වියදමක් නැතුව මෙච්චර උසස් මට්ටමේ ගේම් එකක් ලැබෙන එක ඇත්තටම පුදුම හිතෙන දෙයක්. ඔයා Ace Attorney වගේ ගේම් වලට කැමති කෙනෙක් නම් හෝ HoloLive රසිකයෙක් නම්, අනිවාර්යයෙන්ම මේ ගේම් එක ට්‍රයි කරලා බලන්න. Grand Theft Auto VI එනකම් කාලය ගත කරන්න මේක නියම විකල්පයක් කියලා කියන්න පුළුවන්.