විද්‍යා ප්‍රබන්ධ ලෝකයේ අතිශය ජනප්‍රිය Stargate SG-1 කතා මාලාව නැවතත් කරළියට පැමිණ තිබෙනවා. නමුත් මේ වතාවේ එය ටෙලිවිෂන් කතා මාලාවක් විදියට නෙවෙයි, ‘Stargate: Timekeepers’ නමින් පරිගණක ක්‍රීඩාවක් විදියටයි එළිදැක්වුණේ. වසර ගණනාවක සිට රසිකයන් බලා සිටි මේ ආගමනය, ඔවුන් බලාපොරොත්තු වුණාට වඩා වෙනස් ආරක එකක් වීම නිසා මේ වන විට රසිකයන් අතර දෙගිඩියාවක් ඇති වෙලා තියෙනවා. සාමාන්‍යයෙන් ක්‍රියාදාම සහ වික්‍රමාන්විත කතා මාලාවක් විදියට අපි දන්න SG-1, මේ ක්‍රීඩාව හරහා ‘Real-time tactics’ හෙවත් උපායශීලී ක්‍රීඩා ගණයට මාරු වෙලා තියෙනවා.
මේ ක්‍රීඩාව SG-1 කතා මාලාවේ හත්වැනි වාරයේ අවසානය හා සම්බන්ධ වන අලුත් කතාවක් රැගෙන එනවා. කෙසේ වෙතත්, Steam වෙබ් අඩවියේ මේ ක්‍රීඩාවට ලැබී තිබෙන්නේ මිශ්‍ර ප්‍රතිචාර පමණයි. සමහර රසිකයන් මේ අලුත් උපායශීලී ක්‍රීඩා විලාසයට සහ එහි ඇති අභියෝගාත්මක මට්ටම්වලට කැමති වුණත්, තවත් පිරිසක් එහි ඇති රහසිගත මෙහෙයුම් (stealth) සහ පාලනය කිරීමේ අපහසුතා ගැන දැඩි විවේචන එල්ල කරනවා. බොහෝ දෙනෙක් බලාපොරොත්තු වුණේ නැවතත් රූපවාහිනී තිරය මත SG-1 කණ්ඩායම දකින්න වුණත්, මේ ක්‍රීඩාව ඒ බලාපොරොත්තුව සම්පූර්ණයෙන්ම ඉටු කරන්නේ නැහැ.
කෙසේ වෙතත්, වසර ගණනාවකට පසු Stargate විශ්වය නැවතත් අත්විඳින්න ලැබීම ගැන සතුටු වන පිරිසකුත් ඉන්නවා. ඔබත් මේ කතා මාලාවේ රසිකයෙක් නම්, Steam හරහා මේ ක්‍රීඩාව අත්හදා බලා එය ඔබට ගැලපෙනවාද කියා තීරණය කරන්න පුළුවන්.
Discussion & Feedback