අභ්යවකාශ ගවේෂණ ක්ෂේත්රයේ දැවැන්ත පෙරළියක් සිදු කරමින්, ස්පේස්-එක්ස් (SpaceX) සමාගම ඇමරිකාවේ ලුසියානා ප්රාන්තයේ අලුත්ම අභ්යවකාශ මධ්යස්ථානයක් හෙවත් ‘ස්ටාර්බේස් ලුසියානා’ ඉදිකිරීමට පියවර අරන් තියෙනවා. මේ සඳහා ඇමරිකානු ඩොලර් බිලියන 100ක දැවැන්ත ආයෝජනයක් සිදු කරන බවයි ලුසියානා ප්රාන්ත ආණ්ඩුකාර ජෙෆ් ලැන්ඩ්රි සහ ස්පේස්-එක්ස් සමාගම නිවේදනය කළේ. මේ ව්යාපෘතිය හරහා අනාගතයේදී වසරකට දහස් ගණනක් ස්ටාර්ෂිප් රොකට් අභ්යවකාශයට යැවීමට ඔවුන් සැලසුම් කරනවා. මෙහි දියත් කිරීමේ වේදිකා 10ක් සහ රොකට් සඳහා අවශ්ය ඉන්ධන පවා එම ස්ථානයේදීම නිෂ්පාදනය කිරීමට නියමිතයි.
ස්පේස්-එක්ස් සමාගමේ සභාපති ග්වීන් ෂොට්වෙල් පවසන විදිහට, මේ ස්ථානය ස්වයංපෝෂිත අභ්යවකාශ මධ්යස්ථානයක් විදිහටයි ගොඩනැගෙන්නේ. මෙහි තමන්ගේම බලශක්ති උත්පාදන පද්ධති, ගුවන් තොටුපළක් සහ ගැඹුරු මුහුදු ප්රවාහන පහසුකම් පවා අන්තර්ගත වෙනවා. එලොන් මස්ක්ගේ ඉලක්කය වෙලා තියෙන්නේ 2030 වන විට දිනකට රොකට් 30කට වඩා අභ්යවකාශගත කිරීමයි. මේ මධ්යස්ථානය හරහා මිනිසා අඟහරු වැනි ග්රහලෝකවල පදිංචි කිරීමේ සිහිනය සැබෑ කරගන්නත්, නාසා ආයතනයේ සඳ ගමන් ව්යාපෘතිය වන ආටෙමිස් මෙහෙයුම් සාර්ථක කරගන්නත් විශාල පිටුවහලක් ලැබෙනු ඇති බවයි විද්යාඥයන් පවසන්නේ. මෙය ඇමරිකාවේ ඉතිහාසයේ සිදුවන විශාලතම සංවර්ධන ව්යාපෘතියක් ලෙසත් සැලකෙනවා.
Discussion & Feedback