ස්ටාර් වෝර්ස් රසිකයන් අතර ගොඩක් ජනප්‍රිය චරිතයක් තමයි ඇනකින් ස්කයිවෝකර් කියන්නේ. ඉතින් මේ චරිතය ආයෙත් අලුත් විදියකට අපිට දකින්න ලැබෙනවා කියලා ආරංචි වෙලා තියෙනවා. ඒ ‘ස්ටාර් වෝර්ස් සීරෝ කම්පැනි’ (Star Wars Zero Company) කියන අලුත්ම ටර්න්-බේස්ඩ් ටැක්ටික්ස් ගේම් එක හරහා. මේ ගේම් එකේ ඇනකින් ස්කයිවෝකර්ගේ චරිතයට පණ පොවන්නේ මැට් ලැන්ටර් (Matt Lanter) කියන නළුවා. ඔහු මීට කලිනුත් ‘ද ක්ලෝන් වෝර්ස්’ ඇනිමේෂන් සීරීස් එකේදී මේ චරිතය නිරූපණය කරලා තියෙන නිසා රසිකයන්ට මේක හරිම හුරුපුරුදු අත්දැකීමක් වෙයි.
මේ ගේම් එක නිර්මාණය වෙන්නේ ක්ලෝන් වෝර්ස් කාලවකවානුව පාදක කරගෙන. රෙස්පෝන් එන්ටර්ටේන්මන්ට් (Respawn Entertainment) ආයතනය තමයි මේ ගේම් එකේ වැඩකටයුතු කරන්නේ. දැනටමත් මේ ගේම් එකේ රංගනයට දායක වෙන අනෙක් නළු නිළියන් ගැනත් සැන් ඩියාගෝ කොමික් කොන් උළෙලේදී තොරතුරු අනාවරණය වුණා. ගේම් එකේ වැඩ කටයුතු ගොඩක් දුරට අවසන් වෙලා තියෙන නිසා අගෝස්තු 27 වැනිදා ඉඳන් රසිකයන්ට මේ අලුත් අත්දැකීම ලබාගන්න පුළුවන්.
ස්ටාර් වෝර්ස් ලෝකයේ තවත් අලුත් ගේම්ස් කිහිපයක්ම ඉදිරි කාලයේදී එන්න නියමිතයි. ඒ අතර ‘ස්ටාර් වෝර්ස්: ගැලැක්ටික් රේසර්’ සහ ‘නයිට්ස් ඔෆ් ද ඕල්ඩ් රිපබ්ලික්’ වගේ ගේම්ස් තියෙනවා. ඉතින් ස්ටාර් වෝර්ස් රසිකයන්ට නම් ඉදිරියේදී හරිම කාර්යබහුල සහ උද්යෝගිමත් කාලයක් උදාවෙන බව නම් පැහැදිලියි.
Discussion & Feedback