ලෝක ප්‍රසිද්ධ විද්‍යා ප්‍රබන්ධ කතා මාලාවක් වන ස්ටාර් ට්‍රෙක් (Star Trek) ආරම්භ වී මේ වන විට වසර 60ක් සපිරෙනවා. මේ විශේෂ අවස්ථාව සමරන්න ඔවුන් ඉතාමත් සුවිශේෂී තීරණයක් අරගෙන තියෙනවා. ඒ තමයි ස්ටාර් ට්‍රෙක් රසිකයන්ගේ ආදරය දිනාගත් අමරණීය චරිතයක් වන ‘ස්පොක්’ නැවත වරක් අලුත් ස්වරූපයකින් කරළියට ගෙන ඒම. මේ වෙනුවෙන් ඔවුන් ‘Rediscovered’ නමින් අලුත්ම යාවත්කාලීන කිරීමක් (Update) හඳුන්වා දෙන අතර, එහිදී කැප්ටන් ස්පොක්ගේ චරිතයට පණ පොවන්නේ ප්‍රවීණ හඬ නළුවෙක් වන පියෝටර් මයිකල් විසින්. මීට පෙරත් ස්පොක්ගේ චරිතය වෙනුවෙන් හඬ දායකත්වය ලබා දී ඇති ඔහු, මෙවර ඉතාමත් දක්ෂ ලෙස එම චරිතය නිරූපණය කිරීමට සූදානම් වෙනවා.
මෙම නවතම යාවත්කාලීන කිරීම සැප්තැම්බර් 22 වැනිදා පරිගණක (PC) සඳහාත්, නොවැම්බර් 10 වැනිදා PlayStation 5 සහ XBOX සඳහාත් නිකුත් වීමට නියමිතයි. මෙහිදී ස්පොක්ගේ විවිධ යුගයන් නිරූපණය වන ‘Spock through the Ages’ කතා මාලාව රසිකයන්ට දැකගන්න පුළුවන්. විශේෂම දේ තමයි, ලෙනාඩ් නීමෝයිගේ මුල් හඬ පට පවා මෙයට ඇතුළත් කර තිබීම. ඒ වගේම ඊතන් පෙක් ද ලුතිනන් ස්පොක් ලෙස නැවතත් අප අතරට එනවා. මේ සියල්ලත් එක්ක ස්ටාර් ට්‍රෙක් රසිකයන්ට අලුත් අත්දැකීම් රැසක් ඉදිරි සති කිහිපයේදී විඳගන්න පුළුවන් වේවි. ඔබත් ස්ටාර් ට්‍රෙක් රසිකයෙක් නම් මේ අලුත් වෙනස්කම් ගැන දැනගන්න ලැබීම ඇත්තටම සතුටක් නේද?
Discussion & Feedback