හම්බන්තොටදී පැවැත්වුණු තීරණාත්මක තෙවැනි එක්දින තරගයෙන් ඉන්දීය වයස අවුරුදු 19න් පහළ කණ්ඩායම කඩුලු 1කින් පරාජය කරමින්, තරගාවලිය 2-1ක් ලෙස ජයග්රහණය කිරීමට ශ්රී ලංකා යොවුන් ක්රීඩකයින් සමත් වුණා. මුලින්ම පන්දුවට පහරදුන් ඉන්දීය කණ්ඩායම නියමිත පන්දුවාර 50 තුළ ලකුණු 290ක් ලබාගත්තේ වී.කේ. විනීත්ගේ විශිෂ්ට ශතකයත් සමඟයි. ශ්රී ලංකා පන්දු යවන්නන් අතරින් සෙත්මික සෙනෙවිරත්න ලකුණු 41කට කඩුලු 4ක් දවාගනිමින් ඉන්දීය පිතිකරුවන්ව පාලනය කිරීමට උත්සාහ කළා.
ජයග්රහණය සඳහා ලකුණු 291ක ඉලක්කයක් හඹා ගිය ශ්රී ලංකා යොවුන් පිතිකරුවන් ඉතාමත් වගකීමෙන් යුතුව ක්රීඩා කළා. චමික හීනටිගල පන්දු 68කින් නොදැවී ලකුණු 84ක් ලබාගනිමින් ඉනිම මෙහෙයවූ අතර, සෙනුජ වේගුණගොඩ පන්දු 59කින් ලකුණු 67ක් ලබාගනිමින් ජයග්රහණයට විශාල ශක්තියක් වුණා. ඉන්දීය පන්දු යවන්නන් ශ්රී ලංකා පිතිකරුවන්ට දැඩි පීඩනයක් එල්ල කළත්, අවසාන පන්දුවාරයේදී ඉතාමත් සන්සුන්ව ක්රීඩා කළ අපේ ක්රීඩකයින් කඩුලු 9ක් දැවී ජයග්රාහී ඉලක්කය පසුකර ගියා.
මෙම ජයග්රහණය ශ්රී ලංකා යොවුන් ක්රිකට් ක්රීඩාවේ අනාගතය පිළිබඳව ලොකු බලාපොරොත්තුවක් ඇති කරනවා. විශේෂයෙන්ම පීඩනය හමුවේ නොසැලී ක්රීඩා කරමින් තරගාවලිය ජයග්රහණය කිරීම අපේ තරුණ ක්රීඩකයින්ගේ දක්ෂතාවය මනාව පෙන්නුම් කරනවා. ඉදිරියේදීත් මෙවැනි දක්ෂතා දකින්න ලැබෙයි කියලා අපි බලාපොරොත්තු වෙනවා.

Discussion & Feedback