ශ්රී ලංකා මහ බැංකුව නිකුත් කරපු අලුත්ම දත්තවලට අනුව, මේ වසරේ ජූනි මාසයේදී විදේශගත ශ්රී ලාංකිකයන් එවන ලද මුදල් ප්රමාණය පසුගිය වසරට සාපේක්ෂව සියයට 9.3කින් වැඩි වෙලා තියෙනවා. ඒ අනුව ජූනි මාසයේදී ලැබුණු මුළු ප්රේෂණ ප්රමාණය ඇමරිකානු ඩොලර් මිලියන 695ක්. මේ වසරේ මුල් මාස හය ඇතුළත විදේශ ප්රේෂණ ලෙස ලැබුණු මුළු මුදල ඇමරිකානු ඩොලර් බිලියන 4.6ක් දක්වා ඉහළ ගිහින් තියෙනවා. ඒක පසුගිය වසරේ එම කාලයට සාපේක්ෂව සියයට 23.2ක වර්ධනයක් විදියට අපිට දකින්න පුළුවන්.
අනිත් පැත්තෙන් බැලුවොත්, සංචාරක ක්ෂේත්රයේ ආදායම නම් පසුගිය මාසයට සහ පසුගිය වසරේ ජූනි මාසයට සාපේක්ෂව යම් පසුබෑමකට ලක්වෙලා තියෙනවා. ජූනි මාසයේ සංචාරක ආදායම ඇමරිකානු ඩොලර් මිලියන 151.1ක් විදියටයි වාර්තා වෙන්නේ. මේ වසරේ මුල් මාස හය ඇතුළත සංචාරක ආදායම ඇමරිකානු ඩොලර් බිලියන 1.51ක් දක්වා සියයට 11.8කින් අඩු වෙලා තියෙනවා. ඒ වගේම සංචාරක පැමිණීමත් සියයට 1.8කින් සුළු වශයෙන් පහළ ගිහින් තියෙනවා.
මේ අතරේ ජූනි මාසය අවසාන වෙද්දී ශ්රී ලංකාවේ දළ නිල සංචිත ප්රමාණය ඇමරිකානු ඩොලර් බිලියන 6.45ක් ලෙස තාවකාලිකව ඇස්තමේන්තු කරලා තියෙනවා. මේ සංචිතවලට චීන මහ බැංකුව සමඟ කරපු මුදල් හුවමාරු ගිවිසුමේ මුදලුත් ඇතුළත් වෙනවා. ඒ වගේම ජූලි 10 වෙනිදා වන විට ශ්රී ලංකා රුපියල ඇමරිකානු ඩොලරයට සාපේක්ෂව සියයට 7.9කින් අවප්රමාණය වෙලා තියෙන බවත් මහ බැංකුව පෙන්වා දෙනවා.

Discussion & Feedback