ලෝකයේම අවධානය දිනාගන්නා සුප්රසිද්ධ ‘මිස් යුනිවර්ස්’ හෙවත් ලෝක රූ රැජින තරගාවලිය ශ්රී ලංකාවේ පැවැත්වීමේ හැකියාව පිළිබඳව මේ දිනවල විශේෂ සාකච්ඡා කිහිපයක් සිදුවෙමින් පවතිනවා. විදේශ කටයුතු අමාත්ය විජිත හේරත් මහතා විසින් මේ සම්බන්ධයෙන් මිස් යුනිවර්ස් සංවිධානයේ ගෝලීය හවුල්කාරිත්වයන් පිළිබඳ උප සභාපති ඔලිවියා ක්විඩෝ මහත්මිය ඇතුළු පිරිසක් සමඟ විශේෂ හමුවක් පවත්වා තිබෙනවා. මෙම සාකච්ඡාව සඳහා හිටපු ලෝක රූ රැජින (Mrs. World) කැරොලයින් ජූරි මහත්මිය ඇතුළු පිරිසක් ද එක්ව සිටීම විශේෂත්වයක්.
මෙවැනි දැවැන්ත ජාත්යන්තර මට්ටමේ තරගාවලියක් ශ්රී ලංකාවේ පැවැත්වීමෙන් අපේ රටේ සංචාරක කර්මාන්තයට විශාල ප්රවර්ධනයක් ලැබෙනු ඇතැයි රජය විශ්වාස කරනවා. ඒ වගේම ලෝකයේම අවධානය ශ්රී ලංකාව දෙසට යොමු කරවා ගැනීමටත්, මෙවැනි විශාල උත්සව පැවැත්වීමට අපේ රටට ඇති හැකියාව ලොවට පෙන්වා දීමටත් මෙය හොඳ අවස්ථාවක් කරගන්න පුළුවන්. මේ හරහා ශ්රී ලංකාව ජාත්යන්තර තලයේ තවදුරටත් ඉහළින්ම ඔසවා තැබීමට හැකි වනු ඇති බවයි අමාත්යවරයා පෙන්වා දෙන්නේ.
මෙම තරගාවලිය ශ්රී ලංකාවේ පැවැත්වීමෙන් රටේ ආර්ථිකයට සහ සංචාරක ක්ෂේත්රයට ලැබෙන වාසි පිළිබඳව ඉදිරියේදී තවදුරටත් සාකච්ඡා කිරීමට නියමිතයි. ශ්රී ලංකාව වැනි සුන්දර රටකට මෙවැනි ජාත්යන්තර ඉසව්වක් සත්කාරකත්වය දැරීමෙන් ලැබෙන ප්රචාරය ඉතා ඉහළ මට්ටමක පවතින අතර, එය රටේ ප්රතිරූපය ගොඩනැගීමට විශාල පිටුවහලක් වනු ඇති බවටයි බොහෝ දෙනා මත පළ කරන්නේ.

Discussion & Feedback