ශ්රී ලංකාවේ පොලිස් මත්ද්රව්ය නාශක කාර්යාංශය විසින් අත්අඩංගුවට ගත් විශාල මත්ද්රව්ය තොගයක් පසුගිය සිකුරාදා දින පුත්තලම, වනතවිල්ලුව ප්රදේශයේ විශේෂ ස්ථානයකදී විනාශ කර දමන්න කටයුතු කළා. අධිකරණ නියෝග මත රජයේ රස පරීක්ෂක දෙපාර්තමේන්තුවේ භාරයේ තිබූ මෙම මත්ද්රව්ය තොගයේ මුළු බර කිලෝග්රෑම් 62කට වඩා වැඩියි. විශේෂයෙන්ම මෑත කාලයේ රට තුළ බහුලව පැතිර යන ‘කුෂ්’ නැමැති මත්ද්රව්ය කිලෝග්රෑම් 39.7කට ආසන්න ප්රමාණයක් මෙහිදී විනාශ කිරීම විශේෂත්වයක්.
මෙම මත්ද්රව්ය තොගයට කුෂ් වලට අමතරව අයිස් මත්ද්රව්ය කිලෝ 14කට අධික ප්රමාණයක්, කොකේන් කිලෝ 2ක්, හෙරොයින් කිලෝ 1ක් සහ ගංජා හා හෂීස් කිලෝ 4කට වැඩි ප්රමාණයක් ඇතුළත් වෙලා තියෙනවා. ඒ වගේම MDMA මත්ද්රව්ය කිලෝ 1.2ක් සහ විවිධ වර්ගයේ මත්පෙති 26,262ක් ද මේ අතර තිබුණා. මෙම විනාශ කිරීමේ කටයුතු සිදු කළේ මීගමුව අතිරේක මහේස්ත්රාත්වරයාගේ අධීක්ෂණය යටතේයි. මේ සඳහා රජයේ රස පරීක්ෂක දෙපාර්තමේන්තුව, ජාතික අන්තරායකර ඖෂධ පාලක මණ්ඩලය සහ පොලිස් මත්ද්රව්ය නාශක කාර්යාංශයේ නිලධාරීන් පිරිසක් එක්ව සිටියා.
රට තුළ මත්ද්රව්ය උවදුර පාලනය කිරීම සඳහා පොලිසිය සහ අදාළ ආයතන දිගින් දිගටම මෙවැනි වැටලීම් සිදු කරනවා. අධිකරණ ක්රියාමාර්ග අවසන් වූ පසු මෙලෙස මත්ද්රව්ය විනාශ කිරීම මගින් සමාජයට විශාල පණිවිඩයක් ලබා දෙන අතර, ඉදිරියටත් මෙවැනි වැටලීම් දැඩිව ක්රියාත්මක කරන බවයි බලධාරීන් පවසන්නේ.

Discussion & Feedback