මේ වසරේ මේ දක්වා කාලය තුළ ශ්රී ලංකාවෙන් වාර්තා වී ඇති සමස්ත ඩෙංගු රෝගීන් සංඛ්යාව 91,346ක් දක්වා ඉහළ ගිහින් තියෙනවා. මේ වන විට ඩෙංගු රෝගය නිසා සිදුවී ඇති මරණ සංඛ්යාව 68ක් ලෙසයි සෞඛ්ය අංශ වාර්තා කරන්නේ. ජාතික ඩෙංගු මර්දන ඒකකය පවසන විදිහට, වැඩිම රෝගීන් පිරිසක් වාර්තා වුණේ ජූලි මාසයේදී වන අතර එම සංඛ්යාව 29,968ක්. ජූනි මාසයේදී රෝගීන් 21,533ක් සහ අගෝස්තු මාසයේදී රෝගීන් 6,004ක් ලෙස වාර්තා වී තිබෙනවා.
දිස්ත්රික්ක මට්ටමින් බැලුවොත්, වැඩිම රෝගීන් සංඛ්යාවක් වාර්තා වෙන්නේ ගම්පහ දිස්ත්රික්කයෙන් වන අතර එය 19,467ක්. කොළඹ දිස්ත්රික්කයෙන් රෝගීන් 18,133ක් වාර්තා වී තිබෙනවා. බස්නාහිර පළාතෙන් පමණක් සමස්ත රෝගීන්ගෙන් 53%ක් වාර්තා වීම විශේෂත්වයක්. මේ වන විට සෞඛ්ය වෛද්ය නිලධාරී කොට්ඨාස 119ක් අධි අවදානම් කලාප ලෙස හඳුනාගෙන ඇති අතර දිනකට සාමාන්යයෙන් රෝගීන් 1,509ක් පමණ අලුතින් වාර්තා වෙනවා.
මේ තත්ත්වය පාලනය කරගන්න නම් මහජනතාව ඉතාම කල්පනාකාරී වෙන්න ඕනේ. විශේෂයෙන්ම තමන්ගේ නිවස අවට මදුරුවන් බෝවන ස්ථාන විනාශ කරලා පිරිසිදුව තබා ගැනීමට කටයුතු කරන්න. උණ වැනි රෝග ලක්ෂණ තියෙනවා නම් ප්රමාද නොවී වෛද්ය උපදෙස් ලබාගන්න කියලා සෞඛ්ය අංශ නැවත නැවතත් සිහිපත් කරනවා. රෝගය පැතිරීම වැළැක්වීමට ඔබ ලබාදෙන සහයෝගය ඉතාම වැදගත්.

Discussion & Feedback