මේ දවස්වල අපේ රටේ පාරවල්වල සිද්ධ වෙන රිය අනතුරු අඩු කරගන්න පොලිසිය විශේෂ වැඩපිළිවෙළක් පටන් අරන් තියෙනවා. ඒ අනුව පාරේ යන්න සුදුසු නැති, අනාරක්ෂිත විදිහට වෙනස් කරපු වාහන අල්ලන්න රට පුරාම විශේෂ මෙහෙයුමක් දැන් ක්රියාත්මකයි. මුලින්ම අධිවේගී මාර්ගවලින් පටන් ගත්ත මේ වැඩේ දැන් දිවයින පුරාම ව්යාප්ත කරලා තියෙනවා. විශේෂයෙන්ම වාහනවල බම්පර් උස වැඩි කරලා, අනවසර විදිහට ලයිට් සවි කරලා සහ පැති කණ්ණාඩි වෙනස් කරලා තියෙන වාහන ගැන පොලිසිය වැඩි අවධානයක් යොමු කරනවා. මෝටර් රථ පරීක්ෂකවරුන්ගේ සහයත් එක්ක මේ පරීක්ෂාවන් සිද්ධ වෙන්නේ.
පාරේ යද්දී අධික කළු දුම පිටකරන වාහන සහ නඩත්තු කරලා නැති පරණ වාහන පදවන අයටත් මේ නිසා නීතිය තදින් ක්රියාත්මක වෙනවා. ඒ වගේම අනවසර සයිලන්සර් දාපු, සද්ද වැඩි බයික් පදින අයටත් මේක ලොකු අවවාදයක්. නීති විරෝධී විදිහට රේස් පදින අයට සහ අනතුරුදායක විදිහට බයික් පදින අයට මත්ද්රව්ය පරීක්ෂණ පවා කරන්න පොලිසිය තීරණය කරලා තියෙනවා. පාරේ යන අනිත් අයට කරදරයක් වෙන විදිහට වාහන වෙනස් කරලා තියෙනවා නම් ඒ වාහන පාරේ යන්න තහනම් කරලා, අධිකරණයට ඉදිරිපත් කරලා දඩ ගහන්නත් පොලිසිය කටයුතු කරනවා. ඒ නිසා ඔයාලගේ වාහනවල මොනවා හරි වෙනස්කම් කරලා තියෙනවා නම් ඉක්මනින්ම ඒවා නිවැරදි කරගන්න එක තමයි හොඳම දේ.

Discussion & Feedback