ලොව පුරා රසිකයින්ගේ ආදරය දිනාගත් ස්පිරිටඩ් අවේ (Spirited Away) සිනමාපටයේ අපූරු ලෝකය සිහිගන්වන අලුත්ම වීඩියෝ ක්‍රීඩාවක් ගැන මේ දිනවල ලොකු කතාබහක් ඇතිවෙලා තියෙනවා. ‘A Journey’s End’ නමින් හැඳින්වෙන මේ ක්‍රීඩාව නිර්මාණය කරන්නේ Harvest Island නිර්මාණය කළ Yobob Games ආයතනය විසින්. මේ ක්‍රීඩාවේ කතාව දිවෙන්නේ අද්භූත නානකාමරයක සිරවෙන පිරිමි ළමයෙක් වටායි. එතන ඉන්න අමුතු ආත්මයන්ට සේවය කරමින්, ‘ස්පිරිට් ෆීස්ට්’ උත්සවයට කලින් ආපහු ගෙදර යන්න ඔහු දරන උත්සාහය තමයි මේ ක්‍රීඩාවෙන් ඔයාලට අත්විඳින්න ලැබෙන්නේ. මෙහිදී බිම අතුගෑම, නාන තටාක පිරිසිදු කිරීම වගේ වැඩ රාශියක් කරන්න සිද්ධ වෙනවා.
මේ ක්‍රීඩාවේ විශේෂත්වය තමයි ඒකේ තියෙන දර්ශනීය 2.5D සහ 3D පසුබිම්. ඒ වගේම මේකේ ගේම්ප්ලේ එක ‘පේපර් මාරියෝ’ (Paper Mario) ක්‍රීඩාවට සමාන විදිහට තමයි නිර්මාණය කරලා තියෙන්නේ. තවත් විශේෂ දෙයක් තමයි මේකේ තියෙන ‘ශබ්ද මැනීමේ’ ක්‍රමවේදය. ඔයා ඇවිදිනකොට හෝ පනිනකොට වැඩිපුර ශබ්දයක් වුණොත්, ඒකෙන් ආත්මයන්ව අවදි වෙලා ඔයාව ලුහුබඳින්න පටන් ගන්නවා. මේ ක්‍රීඩාවේ අත්හදා බැලීමේ සංස්කරණයක් (demo) මේ වසර අවසානයට කලින් ක්‍රීඩකයින්ට ලබා දෙන්න ඔවුන් බලාපොරොත්තු වෙනවා. ඔයාලත් මේ වගේ අමුතු ලෝකවලට කැමති නම්, Steam හරහා මේ ක්‍රීඩාව ගැන වැඩි විස්තර හොයලා බලන්න පුළුවන්.
Discussion & Feedback