මේ දවස්වල සිනමා ලෝකයම කතා වෙන්නේ අලුත්ම ස්පයිඩර්-මැන් චිත්‍රපටය වන ‘ස්පයිඩර්-මැන්: බ්‍රෑන්ඩ් නිව් ඩේ’ ගැනයි. මේ චිත්‍රපටය තිරගත වෙන්නත් කලින්ම හොලිවුඩ් ඉතිහාසයේ වාර්තාවක් තියන්න සමත් වෙලා තියෙනවා. ඒ තමයි ඇමරිකානු ඩොලර් මිලියන 309ක දැවැන්ත ප්‍රවර්ධන ව්‍යාපාරයක් දියත් කිරීම. මීට කලින් ‘ස්පයිඩර්-මැන්: ෆා ෆ්‍රොම් හෝම්’ චිත්‍රපටය තියපු වාර්තාව පවා මේකෙන් බිඳ දාලා තියෙනවා. මේ ප්‍රවර්ධන ව්‍යාපාරයට ලෝකයේ ප්‍රසිද්ධ වෙළඳ නාම 165ක් විතර එකතු වෙලා ඉන්නවා.
සමාජ මාධ්‍ය තුළත් මේ චිත්‍රපටය ගැන තියෙන්නේ පුදුම හිතෙන තරමේ උනන්දුවක්. ටික්ටොක්, යූටියුබ්, ෆේස්බුක් වගේ සමාජ මාධ්‍ය හරහා බිලියන 2.86ක පිරිසක් මේ චිත්‍රපටය ගැන කතා කරලා තියෙනවා. ඒක ‘ඇවෙන්ජර්ස්’ චිත්‍රපට පවා පහු කරපු වාර්තාවක්. ටොම් හොලන්ඩ් සහ සෙන්ඩයා වගේ ජනප්‍රිය නළු නිළියන්ගේ තියෙන ජනප්‍රියත්වයත් මේ සාර්ථකත්වයට ලොකු හේතුවක් වෙලා තියෙනවා. විශේෂයෙන්ම ලිට්ල් සීසර්ස්, සැම්සුන්ග් සහ බී.එම්.ඩබ්ලිව් වගේ සමාගම් මේ චිත්‍රපටයත් එක්ක එකතු වෙලා කරන ප්‍රවර්ධන වැඩසටහන් නිසා රසිකයන්ට අලුත්ම අත්දැකීමක් ලැබෙනවා.
මේ චිත්‍රපටය වයස් භේදයකින් තොරව ඕනෑම කෙනෙක්ට බලන්න පුළුවන් විදිහට තමයි නිර්මාණය කරලා තියෙන්නේ. ඒ නිසාම ලෝකය පුරාම ඉන්න ස්පයිඩර්-මැන් රසිකයන් මේ චිත්‍රපටය එනකම් ඉන්නේ හරිම ආසාවෙන්. චිත්‍රපටය තිරගත වුණාම ගෝලීය බොක්ස් ඔෆිස් ආදායම ඩොලර් මිලියන 470ක් ඉක්මවයි කියලා තමයි සිනමා විචාරකයන් බලාපොරොත්තු වෙන්නේ. කොහොම වුණත්, මේ චිත්‍රපටය හොලිවුඩ් සිනමාවේ අලුත් පිටුවක් පෙරළන්න සූදානම් කියන එක නම් පැහැදිලියි.
Discussion & Feedback