මේ දිනවල ලෝකය පුරාම සිනමා රසිකයන් අතර ලොකු කතාබහක් ඇති කරමින් තිරගත වන ‘ස්පයිඩර් මෑන්: බ්‍රෑන්ඩ් නිව් ඩේ’ (Spider-Man: Brand New Day) චිත්‍රපටය බොක්ස් ඔෆිස් වාර්තා අලුත් කරමින් දැවැන්ත ජයග්‍රහණයක් ලබාගෙන තියෙනවා. මීට පෙර වාර්තා තබා තිබූ ‘නෝ වේ හෝම්’ චිත්‍රපටයේ පෙරදසුන් දර්ශනවලින් ලැබුණු ඇමරිකානු ඩොලර් මිලියන 50ක ආදායම පවා අභිබවා යන්නට මෙම නවතම නිර්මාණය සමත් වෙලා තියෙනවා. කොවිඩ් වසංගතයෙන් පසුව සිනමා ඉතිහාසයේ මෙතරම් ඉහළ පෙරදසුන් ආදායමක් ලැබූ පළමු අවස්ථාව මෙය වීම විශේෂත්වයක්. ටොම් හොලන්ඩ් සහ සෙන්ඩයා රංගනයෙන් දායක වන මෙම චිත්‍රපටය සඳහා ප්‍රවේශපත්‍ර මිලියන 80ක අත්තිකාරම් වෙන් කිරීම් සිදුව තිබීමෙන්ම මෙහි ජනප්‍රියත්වය කොයිතරම්ද කියලා අපිට හිතාගන්න පුළුවන්.
ඩෙස්ටින් ඩැනියෙල් ක්‍රෙටන් අධ්‍යක්ෂණය කළ මෙම චිත්‍රපටය මේ වන විටත් Rotten Tomatoes දර්ශකයේ 98%ක ඉහළ ප්‍රේක්ෂක ප්‍රතිචාරයක් ලබාගෙන තියෙනවා. විශේෂයෙන්ම කිසිදු අයිමැක්ස් (IMAX) තිරයක සහායක් නොමැතිව වුවත්, මෙම චිත්‍රපටය ආරම්භක සති අන්තයේදී ඇමරිකානු ඩොලර් මිලියන 300ක ආදායමක් ඉක්මවා යනු ඇතැයි සිනමා විචාරකයන් අනාවැකි පළ කරනවා. රසිකයන් අතර පවතින දැඩි උනන්දුව සහ කතාව කාන්දු වීමට පෙර චිත්‍රපටය නැරඹීමට ඇති කැමැත්ත නිසා මෙම ආදායම තවදුරටත් ඉහළ යාමේ හැකියාවක් තියෙනවා. ඉදිරි දින කිහිපයේදී මෙම චිත්‍රපටය තවත් මොන වගේ වාර්තා තබාවිද කියලා අපි නොඉවසිල්ලෙන් බලාගෙන ඉන්නවා.
Discussion & Feedback