ලබන ජූනි 28 සහ 29 යන දිනවල කොළඹදී පැවැත්වෙන ජාතික බාලදක්ෂ පොසොන් කලාපය වෙනුවෙන් විශේෂ රථවාහන සැලැස්මක් ක්රියාත්මක කරන බව පොලිසිය දැනුම් දෙනවා. ශ්රී ලංකා බාලදක්ෂ සංගමය විසින් ප්රථම වරට සංවිධානය කරන මෙම උත්සවය සවස 6.00 සිට අලුයම 1.00 දක්වා චිත්තම්පලම් ඒ. ගාඩිනර් මාවතේදී පැවැත්වෙනවා. මේ නිසා ලේක් හවුස් වටරවුමේ සිට පොලිස් මූලස්ථාන වටරවුම දක්වා මාර්ගයේ රථවාහන ගමනාගමනයට යම් යම් සීමා පැනවීමට සිදුවන බවයි පොලිසිය පවසන්නේ. විශේෂයෙන්ම රීගල් හන්දිය, ජස්ටිස් අක්බාර් මාවත සහ බාලදක්ෂ මාවත ආශ්රිතව ගමන් කරන රියදුරන් මේ ගැන සැලකිලිමත් විය යුතුයි.
මේ දිනවල එම ප්රදේශය හරහා ගමන් කරන රියදුරන්ට විකල්ප මාර්ග ලෙස ඩී.ආර්. විජේවර්ධන මාවත, ලෝටස් පාර, ගාමිණී වටරවුම සහ මැලේ වීදියේ පාලම වැනි මාර්ග භාවිතා කරන්න පුළුවන්. ඒ වගේම රථ වාහන නවතා තැබීම සඳහා ඩී.ආර්. විජේවර්ධන මාවත, කුමරන් රත්නම් පාර, පැරණි මැනිං වෙළඳපොළ සහ ෂැංග්රි-ලා භූමිය ඇතුළු ස්ථාන කිහිපයක්ම වෙන් කර තිබෙනවා. උත්සවයට සහභාගී වන අයට කිසිදු අපහසුවකින් තොරව ගමන් කිරීමට හැකි වන පරිදි පොලිස් නිලධාරීන්ගේ උපදෙස් පිළිපදින ලෙසත්, කලින්ම තම ගමන් මාර්ග සැලසුම් කරගන්නා ලෙසත් පොලිසිය රියදුරන්ගෙන් කාරුණිකව ඉල්ලා සිටිනවා.

Discussion & Feedback