SpaceX සමාගම තවත් සාර්ථක මෙහෙයුමක් දියත් කරමින්, කැලිෆෝනියාවේ වැන්ඩන්බර්ග් අභ්‍යවකාශ බලකා කඳවුරේ සිට ෆැල්කන් 9 රොකට්ටුවක් අභ්‍යවකාශයට යැව්වා. මේ ගමන විශේෂ වෙන්නේ මේ රොකට්ටුවේ පළමු අදියර වන B1071 බූස්ටරය 35 වැනි වතාවටත් අභ්‍යවකාශ මෙහෙයුමකට යොදා ගැනීම නිසයි. මේ රොකට්ටුව මගින් ස්ටාර්ලින්ක් (Starlink) බ්‍රෝඩ්බෑන්ඩ් චන්ද්‍රිකා 29ක් පෘථිවි පහළ කක්ෂයට රැගෙන ගියා. දියත් කිරීමෙන් මිනිත්තු 8.5කට පසුව, එම බූස්ටරය කිසිදු ගැටලුවකින් තොරව පැසිෆික් සාගරයේ තිබූ SpaceX ඩ්‍රෝන් නැව මතට ගොඩබෑමට සමත් වුණා.
මේ වන විට ස්ටාර්ලින්ක් චන්ද්‍රිකා ජාලය ඉතා වේගයෙන් වර්ධනය වෙමින් පවතින අතර, දැනටමත් ක්‍රියාකාරී චන්ද්‍රිකා 10,700කට වඩා අභ්‍යවකාශයේ තිබෙනවා. අනාගතයේදී මේ සංඛ්‍යාව ලක්ෂයක් දක්වා වැඩි කරගන්න SpaceX සමාගම බලාපොරොත්තු වෙනවා. 2026 වසරේ සිදු කළ 81 වැනි ෆැල්කන් 9 මෙහෙයුම මෙය වන අතර, ඉන් වැඩි ප්‍රමාණයක් ස්ටාර්ලින්ක් චන්ද්‍රිකා කක්ෂගත කිරීම සඳහා යොදාගෙන තිබෙනවා. අභ්‍යවකාශ තාක්ෂණයේ මේ දියුණුවත් එක්ක ලෝකයේ අන්තර්ජාල පහසුකම් තව තවත් පුළුල් වේවි කියලා අපිට බලාපොරොත්තු වෙන්න පුළුවන්.
Discussion & Feedback