ජනප්රිය ඇනිමේටඩ් ටීවී වැඩසටහනක් වන ‘සවුත් පාක්’ (South Park) නිර්මාණකරුවන් මේ දිනවල අන්තර්ජාලය පුරාම ලොකු කතාබහක් ඇති කරලා තියෙනවා. ඔවුන් තමන්ගේ වැඩසටහනේ නම ‘සවුත් ඇමරිකා’ (South America) ලෙස වෙනස් කරන බව නිවේදනය කළා. මේක ඇත්තටම ඇමරිකානු ජනාධිපති ඩොනල්ඩ් ට්රම්ප් විසින් විවිධ ස්ථානවල නම් වෙනස් කිරීමට ගත් තීරණවලට එරෙහිව කරන ලද උපහාසාත්මක ක්රියාවක්. මීට කලින් ට්රම්ප් විසින් ඔන්ටාරියෝ විල සහ මෙක්සිකෝ බොක්ක වැනි ස්ථානවල නම් ‘ඇමරිකා’ ලෙස වෙනස් කිරීමට නියෝග කර තිබුණා. ඇපල් සහ ගූගල් සමාගම් පවා ට්රම්ප්ගේ මේ නියෝගවලට හිස නමමින් ඔවුන්ගේ සිතියම්වල නම් වෙනස් කිරීම නිසා, සවුත් පාක් නිර්මාණකරුවන් ඔවුන්ගේ නිර්භීතකම අගය කරන බව පවසමින් මෙලෙස උපහාසයෙන් යුතුව නම වෙනස් කර තිබෙනවා.
සවුත් පාක් වැඩසටහන පසුගියදා ‘Outstanding Animated Program’ ලෙස සම්මානයට පාත්ර වුණා. මේ වැඩසටහන ආරම්භයේ ඉඳලම ට්රම්ප්ව විවිධ විදිහට උපහාසයට ලක් කරපු නිසා, ට්රම්ප් සහ ඔහුගේ ආධාරකරුවන්ගෙන් නිතරම විවේචන එල්ල වෙනවා. පසුගිය කාලේ ට්රම්ප්ගේ පාලනය විසින් සවුත් පාක් වැඩසටහන ඉතා පහත් මට්ටමේ එකක් ලෙස හඳුන්වමින් දැඩි ලෙස විවේචනය කළා. කොහොම වුණත්, මේ සියලු විවේචන මැද සවුත් පාක් කණ්ඩායම ඔවුන්ගේ 29 වැනි සීසන් එක සැප්තැම්බර් 16 වැනිදා ආරම්භ කිරීමට සූදානම් වෙනවා. ට්රම්ප්ගේ අත්තනෝමතික තීරණවලට එරෙහිව ඔවුන් මේ වතාවේ මොන වගේ දේවල් කරයිද කියලා බලන්න රසිකයන් ගොඩක් උනන්දුවෙන් ඉන්නවා.

Discussion & Feedback