දකුණු කොරියානු ජනාධිපති ලී ජේ මියුං මේ දිනවල ලෝකයේම අවධානය දිනාගන්නා වැදගත් යෝජනාවක් ඉදිරිපත් කරලා තියෙනවා. ඒ තමයි දශක ගණනාවක් තිස්සේ ඇදි ඇදී යන උතුරු සහ දකුණු කොරියානු යුද්ධය නිල වශයෙන් අවසන් කිරීම සඳහා දෙපාර්ශවයම සාකච්ඡා මේසයට වාඩි වෙන්න කියන එක. 1953 වසරේදී ඇති කරගත්ත සටන් විරාමයකින් පස්සේ මේ රටවල් දෙක තාමත් ඉන්නේ යුද තත්ත්වයක. ජනාධිපතිවරයා කියන විදිහට, දෙරට අතර තියෙන දේශසීමාවේ ආරක්ෂාව තහවුරු කරමින්, උතුරු කොරියාවේ න්යෂ්ටික වැඩසටහන් නතර කරගන්න පුළුවන් ප්රායෝගික ක්රම ගැන සාකච්ඡා කරන්න ඔහු සූදානම්. මේක සාමකාමී සහජීවනයකට ලොකු පියවරක් වෙයි කියලා ඔහු විශ්වාස කරනවා.
කෙසේ වෙතත්, උතුරු කොරියාව මේ යෝජනාවට තවම කිසිම ප්රතිචාරයක් දක්වලා නැහැ. ඒ විතරක් නෙවෙයි, මේ දවස්වලත් ඔවුන් දිගින් දිගටම බැලැස්ටික් මිසයිල අත්හදා බලමින් තමන්ගේ බලය පෙන්වන්න උත්සාහ කරනවා. ඇමරිකාව සහ දකුණු කොරියාව එකතු වෙලා කරන යුද අභ්යාස ගැනත් උතුරු කොරියාව නිතරම විරෝධය පළ කරනවා. ජනාධිපති ලී ජේ මියුං කලින් පවසා තිබුණේ උතුරු කොරියාවේ න්යෂ්ටික අවි නිෂ්පාදනය සීමා කිරීම යථාර්ථවාදී ඉලක්කයක් බවයි. කොහොම වුණත්, දෙරට අතර පවතින මේ නොසන්සුන්කාරී වාතාවරණය සමනය කරගෙන සාමකාමී විසඳුමකට එළඹෙන්න පුළුවන්ද කියන එක තමයි දැන් ලෝකයේම බලාපොරොත්තුව වෙලා තියෙන්නේ.

Discussion & Feedback