ලංකාවේ වහල මත සූර්ය බලශක්ති පද්ධති සවි කරන අයට වැදගත් පුවතක් බලශක්ති අමාත්යාංශයෙන් ලැබිලා තියෙනවා. ඒ අනුව, මීට පෙර පැවති ‘නෙට් මීටරින්’ (Net Metering) සහ ‘නෙට් එකවුන්ටින්’ (Net Accounting) ක්රමවේදයන් අලුතින් සූර්ය පැනල සම්බන්ධතා ලබා ගන්නා පාරිභෝගිකයන් සඳහා අත්හිටුවීමට තීරණය කරලා තියෙනවා. දැන් ඉදිරියට සියලුම නව සම්බන්ධතා සහ දැනට පවතින ගිවිසුම් දීර්ඝ කිරීම් සිදු කළ යුත්තේ ‘නෙට් ප්ලස්’ (Net Plus) ක්රමය යටතේ විතරයි. මේ තීරණය ගෙන තියෙන්නේ පසුගිය මාර්තු මාසයේ අනුමත වුණු ජාතික විදුලි බල ප්රතිපත්තියට අනුවයි.
මේ නව නීතිය සැප්තැම්බර් 11 වැනිදායින් පසුව ලබා දෙන ග්රිඩ් අනුමැතීන් සඳහා අනිවාර්යයෙන්ම බලපානවා. ඒ වගේම, අලුතින් සවි කරන පද්ධති සඳහා දුරස්ථව පාලනය කළ හැකි ස්මාර්ට් මීටර අනිවාර්ය කරලා තියෙනවා. කෙසේ වෙතත්, දැනට පවතින ගිවිසුම් ඒවායේ කාලසීමාව අවසන් වන තුරු කිසිදු වෙනසකින් තොරව ක්රියාත්මක වෙනවා. සැප්තැම්බර් 11 වැනිදාට පෙර අනුමැතිය ලැබුණු අය ගැන කිසිම ගැටලුවක් ඇති වෙන්නේ නැහැ. මේ වෙනසත් එක්ක සූර්ය බලශක්ති ක්ෂේත්රයේ නව ගිවිසුම් කාලසීමාව උපරිම අවුරුදු 12කට සීමා කරලා තියෙනවා. මේ සම්බන්ධයෙන් වැඩි විස්තර දැනගන්න අවශ්ය නම් අදාළ විදුලි බෙදාහැරීමේ ආයතන හරහා තොරතුරු ලබා ගන්න පුළුවන්.

Discussion & Feedback