ඕස්ට්රේලියාවේ ක්රියාත්මක කළ වයස අවුරුදු 16න් පහළ අයට සමාජ මාධ්ය තහනම් කිරීමේ නීතිය ගැන මේ දවස්වල ලංකාවෙත් ලොකු කතාබහක් යනවා. හැබැයි මේ ගැන තීරණ ගන්න කලින් අපි ඒ රටේ වුණ දේ ගැන හොඳට හොයලා බලන්න ඕනේ. පර්යේෂණවලින් පේන විදිහට, නීතිය දාලා මාස තුනකට පස්සෙත් 85%කට වැඩි දරුවන් පිරිසක් තවමත් සමාජ මාධ්ය පාවිච්චි කරනවා. ඕස්ට්රේලියාව වගේ දියුණු රටකටවත් මේ නීතිය හරියට ක්රියාත්මක කරන්න බැරි නම්, ලංකාව වගේ රටක මේක කොහොම වෙයිද කියන එක ලොකු ප්රශ්නයක්. අනික, මේ වගේ නීතියක් ගේනවා කියන්නේ හැමෝම තමන්ගේ හැඳුනුම්පත් හෝ විදේශ ගමන් බලපත්ර සමාජ මාධ්ය ආයතනවලට ලබා දීලා තමන් කවුද කියලා ඔප්පු කරන්න ඕනේ කියන එකයි. මේක දරුවන්ට විතරක් නෙවෙයි, රටේ ඉන්න හැම පුරවැසියෙක්ටම බලපානවා.
යුරෝපා සංගමය මේ ප්රශ්නය දිහා බලන්නේ වෙනස් විදිහකට. ඔවුන් හදිසි තහනම් නීති ගේනවා වෙනුවට, විශේෂඥයන්ගේ උපදෙස් මත දරුවන්ගේ වයස අනුව සමාජ මාධ්ය භාවිතය පාලනය කරන්නයි උත්සාහ කරන්නේ. ලංකාවේ දේශපාලනඥයන් කරන්නේ මේ වගේ විද්යාත්මක පදනමක් නැතිව, හදිසියේම තහනමක් ගේන්න උත්සාහ කරන එක විතරයි. මේක ඇත්තටම දරුවන්ගේ ආරක්ෂාවට වඩා, අනාගතයේදී රජයට ඕනෑම කෙනෙක්ව නිරීක්ෂණය කරන්න සහ අදහස් ප්රකාශ කිරීමේ නිදහස සීමා කරන්න පාවිච්චි කරන්න පුළුවන් භයානක උපකරණයක් වෙන්න පුළුවන්. ඒ නිසා, මේ වගේ තීරණ ගන්න කලින් දරුවන්ට සමාජ මාධ්යවලින් ලැබෙන යහපත් දේ සහ මේ නීතියේ තියෙන අවදානම් ගැනත් අපි ගැඹුරින් හිතන්න ඕනේ.

Discussion & Feedback