පවතින අයහපත් කාලගුණික තත්ත්වය හේතුවෙන් යාපනයේ සිට බේරුවල දක්වා වෙරළ තීරයේ කුඩා ධීවර යාත්රා මුහුදු යාම වහාම ක්රියාත්මක වන පරිදි තහනම් කිරීමට ධීවර හා ජලජ සම්පත් දෙපාර්තමේන්තුව පියවර අරන් තියෙනවා. කාලගුණ විද්යා දෙපාර්තමේන්තුව නිකුත් කරපු අනතුරු ඇඟවීම්වලට අනුව, දිවයිනේ බටහිර දෙසින් වර්ධනය වන වැසි සහිත තත්ත්වය සහ සුළඟේ වේගය ඉහළ යාම නිසා මුහුදු ප්රදේශ ඉතා රළු වෙන්න පුළුවන්. මේ නිසා තමයි ධීවර ප්රජාවගේ ආරක්ෂාව වෙනුවෙන් මෙවැනි තීරණයක් අරන් තියෙන්නේ.
ධීවර දෙපාර්තමේන්තුවේ අධ්යක්ෂ ජනරාල් සුසන්ත කහවත්ත මහතා පවසන විදියට, යාපනය, කිලිනොච්චිය, මන්නාරම, පුත්තලම, හලාවත, මීගමුව, කොළඹ සහ කළුතර සිට බේරුවල දක්වා මුහුදු ප්රදේශවල ක්රියාත්මක වන කුඩා සහ දිනපතා ධීවර කටයුතුවල නිරත යාත්රා වහාම ගොඩබිමට පැමිණිය යුතුයි. මේ ප්රදේශවල සුළඟේ වේගය පැයට කිලෝමීටර් 70ක් දක්වා ඉහළ යන්න පුළුවන් වගේම මුහුදු රළ ඉතා ප්රචණ්ඩ වෙන්නත් ඉඩ තියෙනවා. ඒ නිසා දැනටමත් මුහුදේ ඉන්න ධීවර යාත්රා වහාම ආරක්ෂිත ස්ථාන කරා ගමන් කරන ලෙසත්, නැවත දැනුම් දෙන තුරු කිසිදු යාත්රාවක් මුහුදු නොයන ලෙසත් දැඩිව උපදෙස් දීලා තියෙනවා.

Discussion & Feedback