ප්‍රකට හොලිවුඩ් නළු මාර්ක් රෆලෝ විසින් පැරාමවුන්ට් සමාගම සම්බන්ධයෙන් සිදුකළ ප්‍රකාශයක් මේ වන විට ලොකු ආන්දෝලනයකට තුඩු දීලා තියෙනවා. රෆලෝ පවසා තිබුණේ පැරාමවුන්ට් සමාගම සහ එහි හිමිකාරිත්වය දරන ලැරී එලිසන්ගේ සමාගම ඊශ්‍රායල හමුදාවට තාක්ෂණික සහාය ලබා දෙන බවයි. මේ සම්බන්ධයෙන් අදහස් දක්වමින් ඔහු ‘ජන සංහාරය’ සහ ‘වර්ණභේදවාදය’ වැනි බරපතල වචන භාවිතා කර තිබුණා. කෙසේ වෙතත්, පැරාමවුන්ට් සමාගම වහාම ප්‍රතිචාර දක්වමින් පවසා සිටියේ රෆලෝගේ මෙම ප්‍රකාශයන් යුදෙව් විරෝධී මතවාදයන් වපුරන බවත්, ව්‍යාපාරික ගනුදෙනුවක් දේශපාලන අරමුණු වෙනුවෙන් වැරදි ලෙස යොදා ගන්නා බවත්ය.
මේ සිදුවීම සම්බන්ධයෙන් සයිමන් වීසෙන්තාල් මධ්‍යස්ථානයේ ප්‍රධාන විධායක නිලධාරී ජිම් බර්ක් දැඩි විවේචනයක් එල්ල කර තිබෙනවා. ඔහු පවසන්නේ රෆලෝ කිසිදු සම්බන්ධයක් නැති තැනකදී ඊශ්‍රායලය ගැන කතා කරමින් යුදෙව් විරෝධී අදහස් සමාජගත කිරීමට උත්සාහ කරන බවයි. දේශපාලන විවේචන මුවාවෙන් මෙවැනි අගතියක් සිදු කිරීම කිසිසේත්ම අනුමත කළ නොහැකි බවත්, පැරාමවුන්ට් සමාගම මේ සම්බන්ධයෙන් ගත් පියවර ඉතා නිවැරදි බවත් ඔහු වැඩිදුරටත් සඳහන් කළා. දැනටමත් ලෝකයේ බොහෝ දෙනෙක් මේ සිදුවීම දෙස අවධානයෙන් බලා සිටින අතර, මාර්ක් රෆලෝ මේ චෝදනා සම්බන්ධයෙන් තවමත් නිල වශයෙන් පිළිතුරක් ලබා දී නැහැ.
Discussion & Feedback