ලොව පුරා අතිශය ජනප්‍රිය වූ ‘ද ජෝයි ඔෆ් සෙක්ස්’ (The Joy of Sex) ලිංගික අත්පොත නිර්මාණය වූ ආකාරය පිළිබඳව කියැවෙන නවතම චිත්‍රපටය මේ දිනවල ලොව පුරා සිනමා ලෝලීන්ගේ අවධානය දිනාගෙන තිබෙනවා. ‘බ්‍රිජට් ජෝන්ස් ඩයරි’ චිත්‍රපටයේ අධ්‍යක්ෂවරිය වන ෂැරන් මැගුවර් විසින් අධ්‍යක්ෂණය කරන මෙම චිත්‍රපටයේ ප්‍රධාන චරිත සඳහා හොලිවුඩයේ දැවැන්තයන් වන කොලින් ෆර්ත්, ජූලියන් මුවර් සහ ලෝරා ලිනී රංගනයෙන් දායක වීම විශේෂත්වයක් විශේෂත්වයක්. 1972 වසරේදී ප්‍රකාශයට පත් වූ මෙම පොත ලොව පුරා පිටපත් මිලියන 15කට වඩා අලෙවි වූ අතර, එය සමාජයේ දැඩි කතාබහට ලක්වූ නිර්මාණයක් වුණා.
මෙම චිත්‍රපටය මගින් විද්‍යා මහාචාර්ය ඇලෙක්ස් කොම්ෆර්ට්, ඔහුගේ බිරිඳ රූත් සහ ඇගේ හොඳම මිතුරිය වන ජේන් අතර පැවති අසාමාන්‍ය ආදර සම්බන්ධතාවය සහ එම පොත නිර්මාණය වීමට පසුබිම් වූ සිදුවීම් ඉතා හාස්‍යජනක මෙන්ම සංවේදී ලෙස ඉදිරිපත් කරනවා. උතුරු ලන්ඩනයේ සාමාන්‍ය තදාසන්න ප්‍රදේශයක ජීවත් වූ මෙම තිදෙනාගේ අසාමාන්‍ය ජීවන රටාව සහ සමාජ සම්මතයන් අභියෝගයට ලක් කළ ආකාරය මෙහිදී දැකගන්න පුළුවන්. දැනටමත් එක්සත් රාජධානිය ඇතුළු රටවල් රැසක ප්‍රදර්ශනය සඳහා අයිතිය ලබාගෙන ඇති මෙම චිත්‍රපටය, සිනමා ලෝලීන් අතර විශාල බලාපොරොත්තුවක් ඇති කර තිබෙනවා.
ඩේවිඩ් ටෙනන්ට්, ජේසන් වොට්කින්ස් සහ විකී ක්‍රිප්ස් වැනි දක්ෂ නළු නිළියන් රැසක් ද මෙම චිත්‍රපටයට එක්ව සිටිනවා. ෂැරන් මැගුවර් පවසන පරිදි, මෙම පොත නිර්මාණය වූයේ ඉතා සංකීර්ණ ආදර ත්‍රිකෝණයක් තුළින් වන අතර, එය සිනමාවට නැඟීම ඉතා අභියෝගාත්මක මෙන්ම රසවත් අත්දැකීමක් වනු ඇති බවයි ඇය පවසන්නේ. ලොව පුරා සිනමා රසිකයන් මේ වන විටත් මෙම සුවිශේෂී නිර්මාණය නැරඹීමට නොඉවසිල්ලෙන් බලා සිටිනවා.
Discussion & Feedback