ජර්මනියේ බර්ලින් නුවර පැවති වාර්ෂික ‘ක්රිස්ටෝපර් ස්ට්රීට් ඩේ’ හෙවත් ප්රයිඩ් උත්සවය අතරතුරදී හදිසි අනතුරක් සිදුවෙලා තියෙනවා. නගරයේ මධ්යම ප්රදේශයේ පිහිටි ටියර්ගාර්ටන් උද්යානය අසලදී වාහනයක් වේගයෙන් පැමිණ ජනතාව අතරට කඩා වැදීමෙන් පුද්ගලයින් කිහිප දෙනෙක් තුවාල ලබා තිබෙනවා. මේ වන විටත් හදිසි ප්රතිකාර සේවාවන් එම ස්ථානයට පැමිණ තුවාල ලැබූවන්ට ප්රතිකාර ලබා දෙමින් ඉන්නවා. සිද්ධියෙන් පසු එම ප්රදේශය ඉතාමත් කලබලකාරී තත්ත්වයක පවතින අතර, ආරක්ෂක අංශ විසින් ජනතාවට එම ප්රදේශයෙන් ඉවත් වන ලෙසත්, ඒ අවට ගැවසීමෙන් වළකින ලෙසත් දැඩි ලෙස දැනුම් දීලා තියෙනවා.
මේ අනතුරත් එක්කම අද දින පැවැත්වීමට නියමිතව තිබූ සියලුම ප්රයිඩ් උත්සව කටයුතු වහාම ක්රියාත්මක වන පරිදි අවලංගු කිරීමට සංවිධායකයින් පියවර ගෙන තිබෙනවා. මේ වන විට පොලීසිය විසින් සැකකාර රියදුරු සොයා දැවැන්ත මෙහෙයුමක් ආරම්භ කරලා තියෙනවා. සමාජ මාධ්ය ඔස්සේ පළවී ඇති දර්ශනවලින් පෙනී යන්නේ විශාල පොලිස් නිලධාරීන් පිරිසක් සහ ගිලන් රථ එම ස්ථානයේ රැඳී සිටින ආකාරයයි. මේ සිද්ධිය සම්බන්ධයෙන් වැඩිදුර තොරතුරු ඉදිරියේදී ලැබෙනු ඇති අතර, එම ප්රදේශයේ ආරක්ෂාව තවදුරටත් තර කර තිබෙනවා.

Discussion & Feedback