ඇමරිකානු දේශපාලන ක්ෂේත්රයේ දැඩි කතාබහට ලක්වූ ප්රබල සෙනෙට් සභිකයෙක් වන ලින්ඩ්සි ග්රැහැම් පසුගිය සෙනසුරාදා රාත්රියේදී හදිසියේම ජීවිතක්ෂයට පත්වුණා. වොෂින්ටන් ඩී.සී. වෛද්ය පරීක්ෂකවරුන් පවසන විදිහට ඔහුගේ මරණයට හේතු වෙලා තියෙන්නේ හෘද රෝග තත්ත්වයක් නිසා ඇතිවුණු ‘අයෝර්ටික් ඩිසෙක්ෂන්’ (aortic dissection) හෙවත් ප්රධාන ධමනියේ ඇතිවුණු ඉරිතැලීමක්. මියයන විට ඔහු 71 වැනි වියේ පසු වුණා. මියයන්නට දිනකට පෙර ඔහු යුක්රේන ජනාධිපති වොලොඩිමියර් සෙලෙන්ස්කි හමුවීම සඳහා යුක්රේනයේ කීව් නුවර සංචාරයක නිරත වෙලයි හිටියේ.
දකුණු කැරොලිනා ප්රාන්තය නියෝජනය කරමින් 2002 වසරේ සිට සෙනෙට් සභාවට තේරී පත්වුණු ග්රැහැම්, විදේශ ප්රතිපත්ති සම්බන්ධයෙන් ඉතා දැඩි මත දරපු කෙනෙක්. මුලින් ඩොනල්ඩ් ට්රම්ප්ගේ දැඩි විවේචකයෙක් වුණත්, පසුව ඔහු ට්රම්ප්ගේ සමීපතම දේශපාලන මිතුරෙක් බවට පත්වුණා. ඔහුගේ අභාවය සම්බන්ධයෙන් ලෝක නායකයන් රැසක් ශෝකය පළ කරලා තියෙන අතර, ඊශ්රායල අගමැති බෙන්ජමින් නෙතන්යාහු පවසා තිබුණේ ඇමරිකාවට සහ ඊශ්රායලයට සිටි හොඳම මිතුරෙකු ඔවුන්ට අහිමි වූ බවයි. ග්රැහැම්ගේ අභාවයෙන් පසුව ඔහුගේ ඉතිරි ධුර කාලය සඳහා තාවකාලික සෙනෙට් සභිකයෙක් පත් කිරීමේ බලය දකුණු කැරොලිනා ආණ්ඩුකාරවරයාට හිමිවෙනවා. ඉදිරියේදී පැවැත්වෙන මැතිවරණයෙන් ඔහුගේ අනුප්රාප්තිකයා තෝරා ගැනීමට නියමිතයි.

Discussion & Feedback