අධ්යාපන අමාත්යාංශය විසින් 2026 වසරේ පාසල් වාර විභාග සහ නිවාඩු කාලසටහන සම්බන්ධයෙන් නවතම නිවේදනයක් නිකුත් කරලා තියෙනවා. ඒ අනුව, රජයේ සහ රජයේ අනුමත පෞද්ගලික පාසල්වල දෙවන පාසල් වාරය අවසන් කිරීම සහ තුන්වන වාරය ආරම්භ කිරීම සම්බන්ධයෙන් තීරණ කිහිපයක් අරගෙන තියෙනවා. සිංහල සහ දෙමළ මාධ්ය පාසල්වල දෙවන වාරය මේ මස 24 වැනි සිකුරාදා දිනෙන් අවසන් වීමට නියමිතයි. ඉන් අනතුරුව, තුන්වන පාසල් වාරයේ පළමු අදියර එළඹෙන ජූලි 27 වැනි සඳුදා දින සිට ආරම්භ කරන බව අමාත්යාංශය පවසනවා.
මේ අතර, මුස්ලිම් පාසල්වල දෙවන වාරය අවසන් වන්නේ ජූලි 31 වැනි සිකුරාදා දිනයි. එම පාසල්වල තුන්වන වාරයේ පළමු අදියර අගෝස්තු 3 වැනි සඳුදා දින ආරම්භ කිරීමට නියමිතව තියෙනවා. පාසල් සිසුන්ගේ අධ්යාපන කටයුතු බාධාවකින් තොරව පවත්වාගෙන යාම සඳහා මෙම කාලසටහන සකස් කර ඇති අතර, සියලුම පාසල්වල විදුහල්පතිවරුන් සහ ගුරුභවතුන් මේ පිළිබඳව දැනුවත් කර තිබෙනවා. දරුවන්ගේ අධ්යාපන කටයුතු නිසි පරිදි සිදු කිරීම සඳහා දෙමාපියන් ද මේ පිළිබඳව අවධානයෙන් සිටීම වැදගත් වෙනවා.

Discussion & Feedback