ලොව පුරා රසිකයින්ගේ ආදරය දිනාගත් ‘Scrubs’ කතාමාලාවේ දෙවන සමය සඳහා මේ වන විට සූදානමක් පවතිනවා. එහිදී ප්‍රධාන චරිත රඟපාන Zach Braff, Donald Faison සහ Sarah Chalke නැවතත් අපට දැකගන්න ලැබෙනවා. විශේෂම කාරණය තමයි, පළමු සමයේ අතුරු චරිතයක් ලෙස සිටි Ava Bunn මෙවර ප්‍රධාන චරිතයක් දක්වා උසස් වීම. ඇය රඟපාන Sam Tosh නම් චරිතය කතාවට අලුත් ප්‍රබෝධයක් එක් කරනු ඇති බවයි නිෂ්පාදකවරුන් පවසන්නේ. ඒ වගේම, රසිකයින් ආදරය කරන Neil Flynn සහ Rachel Bilson ද මෙවර වැඩිපුර දර්ශන සඳහා එක්වීමට නියමිතයි.
කෙසේ වෙතත්, කතාමාලාවේ සමහර ප්‍රධාන චරිතවලට සමුදීමට සිදුව තිබෙනවා. විශේෂයෙන්ම Dr. Park ලෙස රඟපෑ Joel Kim Booster සහ Charge Nurse Raymond ලෙස රඟපෑ X Mayo මෙවර කතාවේ දකින්න ලැබෙන්නේ නැහැ. මෙය රසිකයින්ට තරමක් පුදුමයක් වුණත්, කතාවේ ගලායාම වෙනුවෙන් මෙවැනි වෙනස්කම් සිදුකරන බවයි නිෂ්පාදක Aseem Batra සඳහන් කරන්නේ. John C. McGinley සහ Judy Reyes වැනි ප්‍රවීණ නළු නිළියන් ද අතුරු චරිත ලෙස නැවතත් අප අතරට පැමිණෙනවා.
J.D. සහ Elliot අතර ඇතිවන නව සම්බන්ධතා සහ රෝහලේ සිදුවන විවිධ ගැටුම් සමඟින් දෙවන සමය වඩාත් කුතුහලයෙන් පිරුණු එකක් වනු නොඅනුමානයි. කතාවේ ප්‍රධාන චරිතවල පෞද්ගලික ජීවිත සහ ඔවුන්ගේ පවුල් පසුබිම ගැනත් මෙවර වැඩි අවධානයක් යොමු කිරීමට නිෂ්පාදකවරුන් බලාපොරොත්තු වෙනවා. ඒ නිසා ‘Scrubs’ රසිකයින්ට ඉදිරියේදී වඩාත් රසවත් කතාංග කිහිපයක්ම බලාගන්න පුළුවන් වේවි.
Discussion & Feedback