අද කාලේ ගොඩක් දෙනෙක් පැය ගණන් TikTok හෝ Instagram වල වීඩියෝ බලමින් කාලය ගත කරනවා. මේ නිසාම පොතක් කියවන්න හෝ පාඩම් කරන්න තියෙන උනන්දුව ගොඩක් අඩුවෙලා. මේ ප්රශ්නයට විසඳුමක් විදිහට ‘ScrollEd’ කියන අලුත්ම ස්ටාර්ට්අප් එක හඳුන්වා දීලා තියෙනවා. ඔවුන් කරන්නේ ඕනෑම කම්මැලි පෙළපොතක් හෝ PDF එකක් TikTok එකක තියෙන වීඩියෝ වගේ කෙටි සහ රසවත් අන්තර්ගතයක් බවට පත් කරන එකයි. ඒ නිසා දැන් ඉගෙන ගන්න එකත් සමාජ මාධ්යවල වීඩියෝ බලනවා වගේම පහසු සහ විනෝදජනක වැඩක් වෙලා තියෙනවා.
මේ ඇප් එක හරහා ඔයාට ඕනෑම විෂය කරුණක් වීඩියෝ, ශ්රව්ය මාධ්ය හෝ අන්තර්ක්රියාකාරී ප්රශ්නාවලි විදිහට ලබාගන්න පුළුවන්. උඩට ස්වයිප් කරලා අලුත් මාතෘකාවක් ඉගෙන ගන්න වගේම, පැත්තට ස්වයිප් කරලා ඒ මාතෘකාව ගැන ගැඹුරින් අධ්යයනය කරන්නත් මෙහි පහසුකම් තියෙනවා. ස්ටැන්ෆර්ඩ් සහ පෙන්සිල්වේනියා විශ්වවිද්යාලවල ඉගෙන ගන්නා සිසුන් දෙපළක් වන උත්සව් ගුප්තා සහ රෙබෙකා නෙෆ් විසින් මෙය නිර්මාණය කරලා තියෙන්නේ, තරුණ පරපුරේ අවධානය දිනාගන්නා ආකාරයට අධ්යාපනය ලබාදීමේ අරමුණින්.
මේ වන විට ඔවුන් ආයතනික පුහුණු වැඩසටහන් සහ පාසල් සඳහා මෙය හඳුන්වා දෙන්න කටයුතු කරනවා. ඒ වගේම සාමාන්ය පරිශීලකයන්ට නොමිලේ මූලික අන්තර්ගතයන් ලබාගන්න පුළුවන් වගේම, වැඩි පහසුකම් සහිත ‘ScrollEd Pro’ දායකත්වයක් ලබාගන්නත් පුළුවන්. ඉගෙන ගන්න එක බරක් නොවී, සමාජ මාධ්යවල වගේම පහසුවෙන් දැනුම ලබාගන්න පුළුවන් මේ අලුත් ක්රමය ඉදිරියේදී අධ්යාපන ක්ෂේත්රයේ ලොකු වෙනසක් කරයි කියලා තමයි ඔවුන් විශ්වාස කරන්නේ.
Discussion & Feedback