අභ්යවකාශයේ සිට පෘථිවිය දෙසට ඇදී එන උල්කාපාතයක් වායුගෝලය හරහා ගමන් කරමින් පොළොවට පතිත වීමට පෙර විවිධ අදියර හතක් පසු කරන බව නවතම විද්යාත්මක පර්යේෂණයකින් හෙළි වී තිබෙනවා. නාසා ආයතනයේ සහ SETI ආයතනයේ පර්යේෂකයන් කණ්ඩායමක් උල්කාපාත 75ක් අධ්යයනය කරමින් මෙම තොරතුරු අනාවරණය කරගෙන ඇත්තේ. මීට පෙර අප සිතා සිටියේ වායුගෝලයේ ඇති අධික උෂ්ණත්වය නිසා මෙම ගල් දියවී වාෂ්ප වී යන බවයි. නමුත් ඇත්තටම සිදුවන්නේ ගල දියවීම සහ කොටස් වලට කැඩී යාම මගින් එහි ස්කන්ධය ක්රමයෙන් අඩු වීම බව මේ පර්යේෂණයෙන් පැහැදිලි වෙනවා.
මෙම ක්රියාවලියේ පළමු අදියරේදී වායුගෝලය හරහා ගමන් කරන ගල වටා ඇතිවන කම්පන තරංග නිසා එය දීප්තිමත් ලෙස දැවෙන තාරකාවක් මෙන් දිස්වෙනවා. පසුව එය ක්රමයෙන් උණු වී, වායුගෝලයේ ඝනත්වය වැඩි වන විට කොටස් වලට කැඩී යාම ආරම්භ කරනවා. විශේෂයෙන්ම අභ්යවකාශයේදී සිදුවූ ගැටුම් නිසා පෙර සිටම පැවති ඉරිතැලීම් හේතුවෙන් මෙම ගල් බලාපොරොත්තු වූවාට වඩා ඉක්මනින් කැඩී යන බවත් පර්යේෂකයන් පවසනවා. අවසාන අදියරේදී මෙම කොටස් විසිරී ගොස් පෘථිවි පෘෂ්ඨයට පතිත වන අතර, මෙම සොයාගැනීම මගින් අනාගතයේදී පෘථිවියට තර්ජනයක් විය හැකි විශාල ග්රහක පිළිබඳව වඩා හොඳ අවබෝධයක් ලබා ගැනීමට විද්යාඥයින්ට හැකි වනු ඇති.
මෙම පර්යේෂණය මගින් උල්කාපාතයක ජීවන චක්රය සහ ඒවා පොළොවට පතිත වන ආකාරය පිළිබඳව අපට අලුත් දැනුමක් ලැබෙනවා. අභ්යවකාශයේ සිට එන ගල් පෘථිවියට ඇතුළු වූ පසු ඒවායේ හැසිරීම පාලනය කරන භෞතික ක්රියාවලීන් මොනවාද යන්න ගැන මීට වඩා පැහැදිලි අවබෝධයක් ලබා ගැනීමට මෙය ඉවහල් වේවි.

Discussion & Feedback