අභ්යවකාශ විද්යාඥයන් විසින් මීට පෙර කිසිදා නොදුටු තරම් ලාබාලතම ග්රහලෝකයක් සොයාගෙන තියෙනවා. ‘එලියාස් 2-24 බී’ (Elias 2-24 b) ලෙස නම් කර ඇති මෙම ග්රහලෝකය පෘථිවියේ සිට ආලෝක වර්ෂ 450ක් ඈතින් තමයි පිහිටලා තියෙන්නේ. බ්රහස්පති ග්රහයා තරම් විශාල වුණත්, මේ ග්රහලෝකයේ වයස අවුරුදු මිලියනයකටත් වඩා අඩුයි. සාමාන්යයෙන් ග්රහලෝකයක් නිර්මාණය වීමේ ක්රියාවලිය සිදුවන දූවිලි හා වායු වළාකුළු අතරේම තමයි මේ ‘බිළිඳු’ ග්රහලෝකය තවමත් සැඟවී ඉන්නේ. චිලී රාජ්යයේ තාරකා විද්යාඥයන් පිරිසක් පැරණි දත්ත ගොනු පරීක්ෂා කිරීමේදී තමයි මේ අපූරු සොයාගැනීම සිදුකරලා තියෙන්නේ.
මීට පෙර සොයාගත් ලාබාලතම ග්රහලෝක පවා අවුරුදු මිලියන 5කට වඩා පැරණි ඒවා. ඒ නිසා මේ සොයාගැනීම ග්රහලෝක නිර්මාණය වීම පිළිබඳ අපේ දැනුම අලුතින්ම වෙනස් කරනවා. හවායි දූපතේ පිහිටි කෙක් (Keck) නිරීක්ෂණාගාරයේ දත්ත භාවිත කරමින්, තරු වටා ඇති දූවිලි තැටිවල හිඩැස් පරීක්ෂා කිරීමේදී තමයි විද්යාඥයන්ට මේ ග්රහලෝකය හමුවෙලා තියෙන්නේ. ග්රහලෝකයක් නිර්මාණය වෙද්දී ඒ අවට ඇති දූවිලි ඉවත් කරමින් හිඩැසක් සාදන බවත්, හරියටම ඒ හිඩැස තුළම මේ ග්රහලෝකය සැඟවී සිටින බවත් ඔවුන් තහවුරු කරගත්තා.
අනාගතයේදී නාසා ආයතනයේ නැන්සි ග්රේස් රෝමන් අභ්යවකාශ දුරේක්ෂය හරහා මෙවැනි තවත් බිළිඳු ග්රහලෝක ගැන වැඩිදුර තොරතුරු සොයාගන්න පුළුවන් වෙයි කියලා විද්යාඥයන් බලාපොරොත්තු වෙනවා. විශ්වයේ ග්රහලෝක උපදින ආකාරය ගැන වඩාත් පැහැදිලි අවබෝධයක් ලබාගන්න මේ සොයාගැනීම ලොකු පිටුවහලක් වේවි.
Discussion & Feedback