ප්‍රසිද්ධ මාධ්‍යවේදිනී සවානා ගුත්රිගේ මව වන නැන්සි ගුත්රි අතුරුදන් වී මාස හයක් ගතවී තිබුණත් තවමත් ඇය ගැන කිසිදු තොරතුරක් ලැබී නැහැ. මේ අතරතුර පයිමා ප්‍රාන්තයේ පොලිසිය විසින් මව පැහැරගත් අය එවා තිබූ කප්පම් ඉල්ලීමේ ලිපි දෙකක් ප්‍රසිද්ධ කර තිබෙනවා. පළමු ලිපියෙන් ඇයව නිදහස් කිරීමට බිට්කොයින් මිලියන හතරක් ඉල්ලා තිබුණත්, දෙවන ලිපියෙන් සඳහන් වෙන්නේ ඇය පැහැරගත් පසු අසනීප වී මියගිය බවයි. මේ හෙළිදරව්වත් සමඟ සවානා සමාජ මාධ්‍ය ඔස්සේ ඉතා සංවේදී පණිවිඩයක් නිකුත් කරමින් ජනතාවගෙන් උදව් ඉල්ලා සිටිනවා.
ඇය පවසන්නේ මේ ලිපිවල අත් අකුරු හෝ සිද්ධිය සම්බන්ධයෙන් යම් හෝඩුවාවක් දන්නා අයෙක් සිටී නම් වහාම ඉදිරිපත් වන ලෙසයි. තමන් මේ මොහොතේ දැඩි වේදනාවකින් පසුවන බවත්, තොරතුරක් ලබා දෙන අයට ඩොලර් මිලියනයක ත්‍යාගයක් පිරිනමන බවත් ඇය පවසනවා. තොරතුරු ලබා දෙන අයගේ අනන්‍යතාවය රහසිගතව තබා ගැනීමට කටයුතු කරන බවත් ඇය වැඩිදුරටත් සඳහන් කරනවා. මේ සිද්ධිය සම්බන්ධයෙන් යම් තොරතුරක් දන්නවා නම් වහාම 1-800-CALL-FBI අංකයට දැනුම් දෙන ලෙස බලධාරීන් ඉල්ලා සිටිනවා. සවානාගේ පවුලේ අය තවමත් බලාපොරොත්තු සුන් කර නොගෙන මව සොයා ගැනීමට දැඩි උත්සාහයක නිරත වෙනවා.
Discussion & Feedback