ඇමරිකානු ජනාධිපති ඩොනල්ඩ් ට්රම්ප් අලුත්ම ප්රකාශයක් කරමින් කියලා තියෙනවා සෞදි අරාබියට න්යෂ්ටික බලශක්ති ගිවිසුම ලබාගන්න නම් අනිවාර්යයෙන්ම ‘ආබ්රහම් ගිවිසුම්’ (Abraham Accords) වලට එකතු වෙලා ඊශ්රායලය පිළිගන්න වෙනවා කියලා. මේ ගිවිසුම යටතේ සෞදියට යුරේනියම් පොහොසත් කිරීමට අවස්ථාවක් ලැබෙන්නේ නැති බවත්, ඒක සම්පූර්ණයෙන්ම සාමකාමී කටයුතු සඳහා පමණක් සීමා වන බවත් ට්රම්ප් අවධාරණය කරනවා. මීට කලින් ආබ්රහම් ගිවිසුම් හරහා අරාබි රටවල් කිහිපයක්ම ඊශ්රායලය සමඟ රාජ්ය තාන්ත්රික සබඳතා ඇති කර ගත්තා. නමුත් පලස්තීන රාජ්යයක් පිහිටුවන තුරු ඊශ්රායලය පිළිගන්නේ නැති බව සෞදිය මීට පෙර පවසා තිබුණා.
මේ පුවතත් එක්ක ඊශ්රායල අගමැති බෙන්ජමින් නෙතන්යාහුගේ කාර්යාලය සතුට පළ කරලා තියෙනවා. ඔවුන් කියන්නේ සෞදිය මේ ගිවිසුමට එකතු වීම මැදපෙරදිග සාමය වෙනුවෙන් ලොකු පියවරක් වේවි කියලා. ඇමරිකානු බලශක්ති දෙපාර්තමේන්තුව කියන විදිහට මේ ගිවිසුම හරහා ඇමරිකානු සමාගම්වලට සෞදියේ න්යෂ්ටික බලශක්ති වැඩසටහන්වලට සම්බන්ධ වෙන්න ලොකු අවස්ථාවක් ලැබෙනවා. කෙසේ වෙතත්, මේ ගිවිසුම නිසා කලාපයේ න්යෂ්ටික අවි පැතිරීමේ අවදානමක් තියෙනවා කියලා විශේෂඥයන් අනතුරු අඟවනවා. දැන් මේ ගිවිසුම ඇමරිකානු කොන්ග්රසයේ අනුමැතිය සඳහා යොමු කිරීමට නියමිතයි. සෞදි අරාබිය තවමත් මේ සම්බන්ධයෙන් නිල ප්රතිචාරයක් දක්වලා නැහැ.

Discussion & Feedback