ලෝකයේ බලවත්ම මුස්ලිම් රටවල් තුනක් වන සෞදි අරාබිය, තුර්කිය සහ පාකිස්තානය මක්කම නුවරදී විශේෂ ආරක්ෂක ගිවිසුමකට අත්සන් තබා තිබෙනවා. මේ ගිවිසුමට අනුව, මේ රටවල් තුනෙන් එකකට හෝ ප්රහාරයක් එල්ල වුණොත් එය තමන් තුන් දෙනාටම එල්ල වූ ප්රහාරයක් ලෙස සලකා ඒකාබද්ධව ප්රතිචාර දැක්වීමට ඔවුන් එකඟ වී තිබෙනවා. මැදපෙරදිග කලාපයේ පවතින නොසන්සුන්කාරී වාතාවරණය හමුවේ, විශේෂයෙන්ම ඉරානය සහ අසල්වැසි රටවල් අතර පවතින ගැටුම්කාරී තත්ත්වය සැලකිල්ලට ගනිමින් මෙම පියවර ගෙන ඇති බවයි වාර්තා වෙන්නේ.
මෙම ගිවිසුම හරහා රටවල් තුනම තම ආරක්ෂක සහයෝගීතාව ඉහළ නංවා ගැනීමට බලාපොරොත්තු වෙනවා. සෞදි අරාබියට තම කලාපීය ආරක්ෂාව තහවුරු කර ගැනීමටත්, පාකිස්තානයට ඉන්දියාව සමඟ පවතින ආතතීන් හමුවේ ශක්තිමත් මිත්ර පාක්ෂිකයන්ගේ සහාය ලබා ගැනීමටත් මෙය විශාල පිටුවහලක් වේවි. ඒ වගේම තුර්කියට තම දියුණු ආරක්ෂක කර්මාන්ත සහ තාක්ෂණික හුවමාරු සඳහා නව දොරටු විවෘත කර ගැනීමට මෙම ගිවිසුම මගින් අවස්ථාව ලැබෙනවා. කෙසේ වෙතත්, මෙම ගිවිසුම සම්බන්ධයෙන් ඉරානය වැනි රටවල් සිය විරෝධය පළ කර ඇති අතර, මෙය කලාපීය සාමයට කෙතරම් දුරට බලපායිද යන්න තවමත් අවිනිශ්චිතයි.
මෙම ගිවිසුම හුදෙක් ආරක්ෂක අරමුණින් පමණක් සිදුකළ එකක් බව තුර්කි නිලධාරීන් පවසනවා. කෙසේ වෙතත්, ප්රායෝගිකව ගැටුමක් ඇති වුවහොත් මෙම රටවල් තුන එකිනෙකා වෙනුවෙන් කෙතරම් දුරකට මැදිහත් වේවිද යන්න ලෝක දේශපාලන විශ්ලේෂකයන්ගේ අවධානයට ලක්ව තිබෙනවා. කලාපයේ බල තුලනය වෙනස් කරන මෙම නව සන්ධානය ඉදිරියේදී ගෝලීය දේශපාලනයට කෙසේ බලපානු ඇත්ද යන්න ඉදිරි කාලයේදී බලාගන්න පුළුවන්.

Discussion & Feedback