ලෝක ප්රකට වර්ල්ඩ් ෆිනෑන්ස් (World Finance) සඟරාව මගින් පිරිනමන කීර්තිමත් බැංකු සම්මාන උළෙලේදී, ශ්රී ලංකාවේ හොඳම සිල්ලර බැංකුව සහ හොඳම වාණිජ බැංකුව ලෙස සම්පත් බැංකුව මෙවරත් සම්මානයට පාත්ර වුණා. මේ විදිහට දිගින් දිගටම වසර 12ක් පුරාවටම මේ ජයග්රහණය තමන් සතු කරගන්න සම්පත් බැංකුව සමත් වෙලා තියෙනවා. ඒ විතරක් නෙවෙයි, 2026 වසරේ ශ්රී ලංකාවේ හොඳම ආයතනික පාලනය (Best Corporate Governance) සහිත බැංකුව ලෙසත් සම්පත් බැංකුව මෙවර සම්මාන දිනා ගැනීම විශේෂත්වයක්.
මේ ජයග්රහණය ගැන අදහස් දක්වපු සම්පත් බැංකුවේ කළමනාකාර අධ්යක්ෂ සහ ප්රධාන විධායක නිලධාරී සංජය ගුණවර්ධන මහතා කිව්වේ, මේ සම්මාන තුනම තමන්ගේ පාරිභෝගිකයන් බැංකුව කෙරෙහි තබා තිබෙන විශ්වාසයේ සහ බැංකු කාර්ය මණ්ඩලයේ කැපවීමේ ප්රතිඵලයක් බවයි. නවීන තාක්ෂණය සහ පාරිභෝගික කේන්ද්රීය සේවාවන් හරහා රටේ ආර්ථිකයට විශාල දායකත්වයක් ලබා දීමට බැංකුව නිරන්තරයෙන්ම කටයුතු කරනවා. විශේෂයෙන්ම ආයතනික පාලන ක්රමවේදයන් සහ විනිවිදභාවය ආරක්ෂා කරමින්, අනාගතයට ගැළපෙන ශක්තිමත් මූල්ය ආයතනයක් ලෙස ඉදිරියටම යන්න සම්පත් බැංකුව මේ වන විටත් සැලසුම් කරලා තියෙනවා.
වර්ල්ඩ් ෆිනෑන්ස් ආයතනය විසින් ලොව පුරා බැංකු ඇගයීමට ලක් කරන්නේ ඉතාමත් දැඩි නිර්ණායක පදනම් කරගෙනයි. ඒ අතර මූල්ය කාර්යසාධනය, නවෝත්පාදන හැකියාව, පාරිභෝගික අත්දැකීම් සහ ආයතනික පාලනය වැනි කරුණු ප්රධාන වෙනවා. පසුගිය කාලය පුරාවටම විවිධ ජාත්යන්තර සම්මාන රැසකින් පිදුම් ලැබූ සම්පත් බැංකුව, මෙවරත් තමන්ගේ ගුණාත්මක සේවාව සහ විශ්වාසවන්තභාවය ලෝකයටම ඔප්පු කර පෙන්වා තිබෙනවා.

Discussion & Feedback