හොලිවුඩයේ ජනප්‍රිය නළු නිළියන් වන සමාරා වීවිං සහ නිකලස් බ්‍රෝන් එකතු වෙලා අලුත්ම පරිසර ත්‍රාසජනක චිත්‍රපටයකට රංගනයෙන් දායක වෙන්න සූදානම් වෙනවා. ‘Hivemind’ කියලා නම් කරලා තියෙන මේ චිත්‍රපටයේ රූගත කිරීම් දැනටමත් අයර්ලන්තයේ ඩබ්ලින් නුවරදී ආරම්භ කරලා තියෙන්නේ. මේ චිත්‍රපටය අධ්‍යක්ෂණය කරන්නේ ප්‍රසිද්ධ අයර්ලන්ත අධ්‍යක්ෂකවරයෙක් වන සියාරාන් ෆෝයි විසින්. කතාව ගැන කියනවා නම්, මේක ගොඩනැගෙන්නේ අලුත් විදිහේ මාරාන්තික බඹරු විශේෂයක් ලෝකය පුරාම පැතිරෙන්න පටන් ගත්තම, ඒක නවත්තන්න පොඩි නගරයක ඉන්න පිරිසක් එකතු වෙලා කරන අරගලය වටායි.
මේ චිත්‍රපටය නිෂ්පාදනය කරන්නේ තන්ඩර් රෝඩ් සහ බැඩ්ලන්ඩ්ස් ආයතන විසින්. ඒ වගේම ඇමසන් එම්.ජී.එම් ස්ටූඩියෝස් ආයතනයත් මේකට සම්බන්ධ වෙලා ඉන්න නිසා, චිත්‍රපටය තිරගත වුණාට පස්සේ ප්‍රයිම් වීඩියෝ හරහා ලෝකය පුරාම ඉන්න රසිකයන්ට බලන්න පුළුවන් වෙනවා. සමාරා වීවිං සහ නිකලස් බ්‍රෝන් කියන්නේ දැනට හොලිවුඩයේ ඉහළම ජනප්‍රියත්වයක් තියෙන නළු නිළියන් දෙපළක් නිසා මේ චිත්‍රපටය ගැන ප්‍රේක්ෂකයන් අතර ලොකු බලාපොරොත්තුවක් තියෙනවා. විශේෂයෙන්ම ‘සක්සෙෂන්’ කතාමාලාවෙන් ජනප්‍රිය වුණ නිකලස් බ්‍රෝන් සහ ‘රෙඩි ඕ නොට්’ චිත්‍රපටයෙන් දක්ෂතා පෙන්නපු සමාරා එකතු වුණාම මේක අනිවාර්යයෙන්ම සුපිරි නිර්මාණයක් වෙයි කියලා තමයි හැමෝම කියන්නේ.
Discussion & Feedback