රුසියාවේ ප්රමුඛ පෙළේ ගුවන් සේවයක් වන S7 එයාර්ලයින්ස් ආයතනය, එළඹෙන දෙසැම්බර් 20 වැනිදා සිට රුසියාවේ සයිබීරියාවේ පිහිටි නොවොසිබිර්ස්ක් නුවර සහ කොළඹ අතර සෘජු ගුවන් ගමන් ආරම්භ කිරීමට තීරණය කරලා තියෙනවා. මේ අලුත් ගුවන් සේවය නිසා රුසියානු සංචාරකයින්ට හෙක්කඩුව, බෙන්තොට සහ ත්රිකුණාමලය වගේ අපේ රටේ ජනප්රිය සංචාරක කලාපවලට ඉතා පහසුවෙන් පැමිණීමේ අවස්ථාව උදාවෙනවා. මේ ගුවන් ගමන් සතියකට දෙවරක්, එනම් සෑම බ්රහස්පතින්දා සහ ඉරිදා දිනකම ක්රියාත්මක වෙන්නයි නියමිත වෙලා තියෙන්නේ.
ගුවන් යානය නොවොසිබිර්ස්ක් ගුවන්තොටුපළෙන් උදෑසන පිටත්වෙලා පැය 10ක පමණ ගමනකින් පස්සේ බණ්ඩාරනායක ජාත්යන්තර ගුවන්තොටුපළට ළඟා වෙනවා. මේ ගමනේදී ඉන්දියාවේ ජයිපූර් නුවරදී තාක්ෂණික නතර කිරීමක් සිදුකරන අතර, මගීන්ට යානයෙන් බැසීමකින් තොරව දිගටම ගමන් කරන්න පුළුවන්. ආපසු ගමන් කිරීම් එදිනම පස්වරුවේ කොළඹින් ආරම්භ වෙලා පසුදින අලුයම රුසියාවට ළඟා වීමට නියමිතයි.
දැනටමත් මේ ගුවන් ගමන් සඳහා ටිකට්පත් වෙන්කරවා ගැනීමේ අවස්ථාව විවෘත කරලා තියෙනවා. රුසියානු සංචාරකයින් සඳහා අපේ රටේ දොරටු තවත් පුළුල් කරමින් සිදුකරන මේ නව ගුවන් සේවය, ශ්රී ලංකාවේ සංචාරක කර්මාන්තයේ දියුණුවට ලොකු පිටුවහලක් වේවි කියලා තමයි බලාපොරොත්තු වෙන්නේ. රුසියාව සහ ශ්රී ලංකාව අතර පවතින සංචාරක සබඳතා තවත් ශක්තිමත් කරගන්න මේ පියවර ඉතා වැදගත් වෙනවා.

Discussion & Feedback