විදුලි වාහන නිෂ්පාදනයේ ප්රමුඛයෙකු වන රිවියන් (Rivian) සමාගමේ අනුබද්ධිත ආයතනයක් වන ‘ඕල්සෝ’ (Also) සමාගම, තමන්ගේ පළමු විදුලි බයිසිකල් තොගය ලබන සතියේ සිට පාරිභෝගිකයන් වෙත ලබා දීමට කටයුතු සූදානම් කර තිබෙනවා. ගෝලීය සැපයුම් දාමයේ ඇති වූ ගැටලු හේතුවෙන් මෙම බෙදාහැරීම් මාස කිහිපයකින් ප්රමාද වුණත්, මේ වන විට ඇමරිකාවේ පිහිටි ඔවුන්ගේ ගබඩාව වෙත බයිසිකල් පැමිණෙමින් පවතින බවයි වාර්තා වෙන්නේ. ඩොලර් 4,500ක් වටිනා මෙම ‘TM-B’ මාදිලියේ බයිසිකල් සියල්ලම සැප්තැම්බර් මාසය අවසන් වීමට පෙර පාරිභෝගිකයන් අතට පත් කිරීමට සමාගම බලාපොරොත්තු වෙනවා.
මෙම ව්යාපෘතිය මුලින්ම ආරම්භ වුණේ රිවියන් සමාගම තුළ රහසිගත ව්යාපෘතියක් ලෙසයි. පසුව එය වෙනම සමාගමක් ලෙස ලියාපදිංචි වී ආයෝජන ලබා ගත්තා. කෙසේ වෙතත්, නියමිත කාලයට බයිසිකල් නොලැබීම නිසා පාරිභෝගිකයන් දැඩි කලකිරීමකින් පසු වන බව සමාජ මාධ්ය ඔස්සේ දැකගන්න පුළුවන්. ඇතැම් පාරිභෝගිකයන් තමන්ගේ ඇණවුම් පවා අවලංගු කර තිබෙනවා. සමාගම පවසන්නේ ගුණාත්මකභාවය සහ ආරක්ෂාව වෙනුවෙන් කිසිදු සම්මුතියකට නොගොස්, හැකි ඉක්මනින් මෙම බයිසිකල් පාරිභෝගිකයන් වෙත ලබා දීමට සිය කණ්ඩායම් වෙහෙස මහන්සි වී වැඩ කරන බවයි.
‘ඕල්සෝ’ සමාගමේ අනාගත සැලසුම් ඉතා විශාලයි. ඔවුන් ඉදිරියේදී ඇමසන් සමාගම වෙනුවෙන් භාණ්ඩ ප්රවාහන වාහන සහ ඩෝර්ඩෑෂ් (DoorDash) වැනි සමාගම් සඳහා ස්වයංක්රීය බෙදාහැරීමේ වාහන නිෂ්පාදනය කිරීමටත් බලාපොරොත්තු වෙනවා. මේ වන විට ඔවුන්ගේ ප්රධානම අභියෝගය වන්නේ පාරිභෝගික විශ්වාසය දිනා ගනිමින් මෙම පළමු බයිසිකල් තොගය සාර්ථකව බෙදාහැරීමයි.

Discussion & Feedback