ප්‍රවීණ මාධ්‍යවේදිනී කැතරින් හෙරිජ් තමන්ගේ පුවත් වාර්තා සඳහා තොරතුරු ලබාදුන් මූලාශ්‍ර හෙළි නොකිරීම හේතුවෙන් ඇයට දිනකට ඩොලර් 800ක දඩ මුදලක් ගෙවීමට සිදුව තිබෙනවා. 2017 වසරේදී ඇය විසින් වාර්තා කළ පුවතකට අදාළව මෙම ගැටලුව මතු වී ඇති අතර, අධිකරණ නියෝගය නොතැකීම නිසා ඇයව සිවිල් අපහාසයක් සිදුකළ අයෙකු ලෙස නම් කිරීමටයි අධිකරණය පියවර ගත්තේ. කෙසේ වෙතත්, මෙම තීන්දුවට එරෙහිව ඇයගේ නීතිඥ කණ්ඩායම ශ්‍රේෂ්ඨාධිකරණය වෙත පෙත්සමක් ගොනු කර තිබෙනවා.
මෙම පෙත්සම සලකා බැලූ ශ්‍රේෂ්ඨාධිකරණයේ ප්‍රධාන විනිසුරු ජෝන් රොබට්ස්, අභියාචනාධිකරණයේ තීන්දුව තාවකාලිකව අත්හිටුවීමට පියවර ගෙන තිබීම මාධ්‍ය නිදහස වෙනුවෙන් පෙනී සිටින බොහෝ දෙනෙකුගේ අවධානයට ලක්ව තිබෙනවා. ෆොක්ස් නිව්ස් ආයතනය පවසන්නේ මාධ්‍යවේදියෙකුට තම මූලාශ්‍ර ආරක්ෂා කර ගැනීමට ඇති අයිතිය සුරැකිය යුතු බවයි. එසේම, මෙවැනි දඩ මුදල් මගින් මාධ්‍යවේදීන්ගේ වෘත්තීය නිදහසට බාධාවක් සිදුවන බව ඔවුන් අවධාරණය කරනවා.
අනෙක් පසින්, මෙම නඩුව ගොනු කළ යැන්පින් චෙන්ගේ නීතිඥයින් පවසන්නේ හෙරිජ්ට තම මූලාශ්‍ර වසන් කිරීමට කිසිදු නීතිමය අයිතියක් නොමැති බවයි. චෙන් චීන හමුදාව සමඟ සම්බන්ධතා පවත්වන බවට හෙරිජ් විසින් වාර්තා කර තිබුණත්, ඒ සම්බන්ධයෙන් චෙන්ට එරෙහිව කිසිදු චෝදනාවක් එල්ල වී නැහැ. කෙසේ වෙතත්, ජූලි 1 වැනිදා වන විට මෙම පෙත්සමට අදාළව සිය ප්‍රතිචාරය ඉදිරිපත් කරන ලෙස චෙන්ට නියෝග කර ඇති අතර, ඉදිරියේදී ශ්‍රේෂ්ඨාධිකරණය ගන්නා තීරණය මාධ්‍ය ලෝකයට ඉතා වැදගත් වනු ඇති.
Discussion & Feedback