ඇපල් සමාගමේ නිර්මාතෘ ස්ටීව් ජොබ්ස්ගේ පුත් රීඩ් ජොබ්ස් මේ දිනවල කතාබහට ලක්වෙන්නේ ඔහුගේ පියාගේ නම නිසාම නෙවෙයි. ඔහු මේ වන විට ‘යොසමයිට්’ (Yosemite) නමින් පිළිකා රෝගය සුව කිරීම ඉලක්ක කරගත් නව්ය ව්යාපෘතියක් දියත් කරමින් සිටිනවා. රීඩ් තමන්ගේ පියාගේ ප්රසිද්ධිය ගැන කතා කරනවාට වඩා කැමති තමන්ගේ මේ වෛද්ය තාක්ෂණික ගමන ගැන කතා කරන්නයි. ඔහු පවසන විදිහට, පිළිකා සඳහා ප්රතිකාර සොයාගැනීම දැන් පවතින්නේ ඉතාමත් උද්යෝගිමත් අවධියක. විශේෂයෙන්ම කෘත්රිම බුද්ධිය (AI) සහ නවීන වෛද්ය පර්යේෂණ එකතු වීම නිසා පිළිකා මර්දන ඖෂධ නිෂ්පාදනය පෙරට වඩා වේගවත් වෙලා තියෙනවා.
රීඩ්ගේ මේ ‘යොසමයිට්’ ආයතනය සාමාන්ය ව්යාපාරික ආයතනයකට වඩා වෙනස්. ඔවුන් විශ්වවිද්යාල මට්ටමේ පර්යේෂණවලට මූල්ය ආධාර ලබා දෙමින්, එම පර්යේෂණ හරහා නව සමාගම් බිහි කිරීමට කටයුතු කරනවා. විශේෂයෙන්ම පිළිකා සෛලවලට එරෙහිව ක්රියා කරන නව ඖෂධ වර්ග නිර්මාණය කිරීම ඔවුන්ගේ ප්රධාන අරමුණයි. දැනටමත් ඔවුන්ගේ කණ්ඩායම ජාන සංස්කරණය සහ ඖෂධ බෙදාහැරීමේ නව ක්රමවේදයන් ඔස්සේ වෛද්ය ක්ෂේත්රයේ පෙරළියක් කිරීමට උත්සාහ කරනවා. රීඩ් ජොබ්ස් විශ්වාස කරන්නේ, පිළිකාවට එරෙහිව සටන් කිරීමට නම් අපි අලුතින්ම දේවල් නිර්මාණය කළ යුතු බවයි. මේ වන විට ඔහු ඩොලර් මිලියන 350ක අරමුදලක් හරහා පිළිකා මර්දන ක්ෂේත්රයේ දැවැන්තයෙකු වීමට බලාපොරොත්තු වෙනවා. ඔහුගේ මේ උත්සාහය ලෝකයේම අවධානය දිනාගන්නා බව නම් පැහැදිලියි.

Discussion & Feedback