වීඩියෝ ගේම්ස් ආශ්‍රිතව නිර්මාණය වන චිත්‍රපට සහ ටෙලි නාට්‍ය කලාව පසුගිය කාලයේ ලොකු පෙරළියක් කළා. විශේෂයෙන්ම HBO ආයතනයේ ‘ද ලාස්ට් ඔෆ් අස්’ (The Last of Us) නිර්මාණයත් එක්ක වීඩියෝ ගේම්ස් කතාවක් කොච්චර සාර්ථකව තිරයට ගේන්න පුළුවන්ද කියලා ලෝකයටම ඔප්පු වුණා. ඒත් දැන් ඇමේසන් ප්‍රයිම් වීඩියෝ ආයතනය තමන්ගේ අලුත්ම ව්‍යාපෘතිය වන ‘මැස් ඉෆෙක්ට්’ (Mass Effect) හරහා මේ ජනප්‍රිය කතා මාලාවට තදින්ම අභියෝග කරන්න සූදානම් වෙනවා. මේ ගැන ලියන තිර රචක ඩැනියෙල් කේසි පවසන්නේ මේ නිර්මාණයේ වැඩකටයුතු දැනටමත් සිදුවෙමින් පවතින බවයි.
‘මැස් ඉෆෙක්ට්’ කියන්නේ අභ්‍යවකාශය පසුබිම් කරගත් ඉතාම දැවැන්ත සහ සිනමාත්මක නිර්මාණයක්. ‘ද එක්ස්පෑන්ස්’ (The Expanse) වැනි සාර්ථක නිර්මාණවලින් ලැබුණු අත්දැකීම් එක්ක බලද්දී, මේ කතාවටත් ඒ වගේම සාර්ථකත්වයක් ලබාගන්න පුළුවන් බව බොහෝ දෙනා විශ්වාස කරනවා. හැබැයි ‘ද ලාස්ට් ඔෆ් අස්’ වගේ ගේම් එකේ කතාවම අනුගමනය නොකර, මේ නිර්මාණය තුළින් අලුත් කතාවක් ගෙන ඒමට ඔවුන් උත්සාහ කරනවා. මේක රසිකයන්ට අලුත් අත්දැකීමක් වුණත්, ගේම් එකේ තිබුණු මුල් කතාව නැතිවීම නිසා රසිකයන්ගේ ප්‍රතිචාර කොහොම වෙයිද කියන එක තවමත් ගැටලුවක්. කොහොම වුණත්, ‘ද ලාස්ට් ඔෆ් අස්’ කතා මාලාවට මේක ලොකු තරගයක් දෙන එක නම් ස්ථිරයි.
Discussion & Feedback