හොලිවුඩයේ ඉන්න ජනප්‍රියම නළුවෙක් වගේම සැබෑ ගේමර් කෙනෙක් විදිහට හඳුන්වන්න පුළුවන් හෙන්රි කැවිල්, මේ දවස්වල තමන්ගේ ප්‍රියතම Warhammer 40,000 ලෝකය තිරයට ගේන්න ලොකු උත්සාහයක් ගන්නවා. ඇමසන් ප්‍රයිම් වීඩියෝ හරහා Warhammer ලෝකය අලලා නිර්මාණය වන සජීවී රූපවාහිනී කතා මාලාවකට ඔහු දැනටමත් සම්බන්ධ වෙලා ඉන්නවා. ඒ විතරක් නෙවෙයි, මෑතකදී නිකුත් වුණු Secret Level ඇනිමේෂන් කතා මාලාවේ පස්වෙනි කොටස විදිහට ආපු Warhammer කතාව රසිකයන් අතර ගොඩක් ජනප්‍රිය වුණා. මේ සාර්ථකත්වය නිසාම, ඒ කොටස පදනම් කරගෙන අලුත් ඇනිමේෂන් කතා මාලාවක් නිර්මාණය කරන්නත් දැන් කටයුතු සැලසුම් කරලා තියෙනවා.
Secret Level කතා මාලාව ගැන විවිධ මත තිබුණත්, ඒකේ තියෙන Warhammer කොටස රසිකයන්ගේ හදවත් දිනාගන්න සමත් වුණා. හෙන්රි කැවිල් කියන්නේ Warhammer ලෝකයේ ගැඹුරුම තැන් ගැන හොඳ අවබෝධයක් තියෙන කෙනෙක් නිසා, මේ නිර්මාණය අනිවාර්යයෙන්ම ගුණාත්මක එකක් වේවි කියලා රසිකයන් විශ්වාස කරනවා. ඇත්තටම මේක Warhammer රසිකයන්ට ලැබෙන ලොකු තෑග්ගක්. දැනටමත් Secret Level දෙවැනි කතා මාලාවටත් අවසර ලැබිලා තියෙන නිසා, ඉදිරියේදී තවත් ගේම්ස් ආශ්‍රිත කතා මාලා රැසක් අපිට බලාගන්න පුළුවන් වේවි. හෙන්රි කැවිල්ගේ මේ කැපවීම නිසා Warhammer ලෝකය තවත් අලුත් විදිහකට රසිකයන් අතරට යාවි කියන එක නම් ස්ථිරයි.
Discussion & Feedback