ඇමසන් ප්‍රයිම් වීඩියෝ හරහා විකාශය වුණු ‘It’s Not Like That’ කියන අලුත්ම කතාමාලාව ගැන මේ දවස්වල ලොකු කතාබහක් ඇතිවෙලා තියෙනවා. සාමාන්‍යයෙන් ප්‍රයිම් වීඩියෝ එකේ ‘The Boys’ හෝ ‘Reacher’ වගේ කතාමාලා දිගටම සාර්ථකව ගියත්, මේ අලුත් කතාමාලාවට නම් ඒ වගේ වාසනාවක් ලැබුණේ නැහැ. විචාරකයන්ගේ පැසසුමට ලක්වෙමින් Rotten Tomatoes දර්ශකයේ 100%ක ඉහළම ලකුණු මට්ටමක් ලබාගන්න මේ කතාමාලාව සමත් වුණත්, එකම එක සීසන් එකකින් පස්සේ ඒක නවත්වන්න ප්‍රයිම් වීඩියෝ ආයතනය තීරණය කරලා තියෙනවා.
මේ කතාමාලාව මුලින්ම ජනවාරි මාසේ වොන්ඩර් ප්‍රොජෙක්ට් හරහා නිකුත් වුණාට පස්සේ, මැයි මාසේ ඉඳන් සියලුම ප්‍රයිම් වීඩියෝ සාමාජිකයන්ට බලන්න අවස්ථාව ලැබුණා. ප්‍රේක්ෂකයන් අතරත් 72%ක හොඳ ප්‍රතිචාරයක් මේකට ලැබිලා තිබුණා. කොහොම වුණත්, මේ වගේ ඉහළ ඇගයීම් ලැබුණු කතාමාලාවක් එකපාරටම නතර කිරීම ගැන රසිකයන් නම් ඉන්නේ ලොකු කනස්සල්ලකින්. ඇත්තටම මේ වගේ දේවල් ප්‍රයිම් වීඩියෝ එකේ අලුත් දෙයක් නෙවෙයි, මොකද මීට කලිනුත් ‘My Lady Jane’ වගේ ජනප්‍රිය කතාමාලා කිහිපයක්ම එක සීසන් එකකින් නතර කරලා තියෙනවා. ඉතින් මේ කතාමාලාවත් ඒ ලැයිස්තුවට එකතු වුණා විතරයි.
Discussion & Feedback