මාලි රාජ්යයේ රජය පෙරළා දැමීමට කුමන්ත්රණය කළ බවට චෝදනා ලැබ වසර 20ක සිරදඬුවම් විඳිමින් සිටි ප්රංශ ජාතික යෑන් වෙසිලියර්ට එරට ජනාධිපති අසිමි ගොයිටා විසින් විශේෂ ජනාධිපති සමාවක් ලබා දී තිබෙනවා. පසුගිය වසරේදී මොහුව අත්අඩංගුවට ගත්තේ ප්රංශ බුද්ධි අංශ වෙනුවෙන් පෙනී සිටිමින් මාලි රජය අස්ථාවර කිරීමට උත්සාහ කළ බවට චෝදනා කරමින්. කෙසේ වෙතත්, ප්රංශ විදේශ අමාත්යාංශය මීට පෙර පවසා තිබුණේ මෙම චෝදනා කිසිදු පදනමක් නැති ඒවා බවයි. මේ වන විට ඔහුව වහාම රටින් පිටුවහල් කිරීමට පියවර ගෙන ඇති අතර, මෙම තීරණය ගැනීමට හේතුව කුමක්දැයි මෙතෙක් නිශ්චිතවම අනාවරණය වී නැහැ.
ප්රංශයේ හිටපු යටත් විජිතයක් වන මාලි රාජ්යය මේ වන විට දැඩි දේශපාලන හා ආරක්ෂක අර්බුදයකට මුහුණ දී සිටිනවා. 2012 වසරේ සිට ඉස්ලාමීය සටන්කාමීන්ගේ ප්රහාර හමුවේ රටේ ආරක්ෂාව බිඳ වැටී ඇති අතර, ජනාධිපති ගොයිටා බලය තහවුරු කරගැනීම සඳහා විවිධ පියවර ගත්තද තත්ත්වය එතරම් යහපත් වී නැහැ. දේශපාලන පක්ෂ තහනම් කිරීම සහ මැතිවරණ කල් දැමීම වැනි ක්රියාමාර්ග නිසා ජාත්යන්තර අවධානයට ලක්ව ඇති මාලි රජය, මේ වන විට ප්රංශය සමඟ තිබූ සබඳතා බිඳ දමා රුසියාවේ සහය ලබා ගැනීමට කටයුතු කරමින් සිටිනවා. කෙසේ වෙතත්, මෙම ජනාධිපති සමාව මාලි රජයේ ඉදිරි දේශපාලන ගමනට කෙසේ බලපානු ඇත්ද යන්න පිළිබඳව ලෝකයේම අවධානය යොමුව තිබෙනවා.

Discussion & Feedback