ජනාධිපති අනුර කුමාර දිසානායක මහතා විසින් රටේ ජනතාවට සහනයක් ලබාදෙන අලුත්ම තීරණයක් ගැන ප්රකාශ කරලා තියෙනවා. ඒ අනුව ඉදිරි මාස තුනක කාලයක් සඳහා ඉන්ධන මිල අඩු කිරීමට රුපියල් බිලියන 41ක දැවැන්ත සහනයක් ලබාදෙන්න රජය සැලසුම් කරලා තියෙනවා. ඔක්තෝබර්, නොවැම්බර් සහ දෙසැම්බර් කියන මාස තුන සඳහා මෙම සහනය ක්රියාත්මක වෙන්න නියමිතයි.
ගම්පහ පැවති ජන හමුවකදී ජනාධිපතිවරයා මේ බව සඳහන් කළේ. මේ සම්බන්ධයෙන් වන යෝජනාව අද දින කැබිනට් මණ්ඩලයට ඉදිරිපත් කර අනුමැතිය ලබාගන්න තමයි රජය බලාපොරොත්තු වෙන්නේ. ජනතාවගේ ජීවන බර සැහැල්ලු කිරීමේ අරමුණින් මෙම පියවර ගන්නා බවත්, ඉදිරියේදීත් ජනතාවට සහන සැලසීමට රජය කැපවී සිටින බවත් ජනාධිපතිවරයා වැඩිදුරටත් අවධාරණය කළා.
මේ තීරණයත් එක්ක ඉන්ධන මිලෙහි යම් අඩුවීමක් දකින්න ලැබෙන නිසා සාමාන්ය ජනතාවට සහ ප්රවාහන ක්ෂේත්රයට විශාල සහනයක් ලැබෙනු ඇති බවයි ආර්ථික විද්යාඥයින් පවසන්නේ. කැබිනට් අනුමැතිය ලැබුණු වහාම මේ සහනය ජනතාවට ලබාදීමට කටයුතු කරන බවත්, රටේ ආර්ථිකය ස්ථාවර කරමින් ජනතාවගේ දෛනික වියදම් අඩු කිරීමට රජය උපරිම උත්සාහයක් ගන්නා බවත් මෙහිදී පැහැදිලි වුණා.

Discussion & Feedback