පවර් රේන්ජර්ස් රසිකයන්ට අහන්න ලැබුණු අලුත්ම ආරංචිය නම්, ඩිස්නි ප්ලස් හරහා එන්න තිබුණු අලුත්ම ලයිව්-ඇක්ෂන් පවර් රේන්ජර්ස් කතා මාලාව තවදුරටත් ඉදිරියට කරගෙන යන්නේ නැති බවයි. පර්සි ජැක්සන් කතා මාලාවේ නිර්මාණකරුවන් වන ජොනතන් ඊ. ස්ටයින්බර්ග් සහ ඩෑන් ෂොට්ස් විසින් මේ ව්‍යාපෘතිය භාරගෙන තිබුණත්, දැන් එය සම්පූර්ණයෙන්ම නතර කරලා තියෙනවා. මීට වසර එකහමාරකට විතර කලින් පටන් ගත්ත මේ වැඩේ, දැනට පවතින සංවර්ධන මට්ටමෙන් එහාට යන්නේ නැහැ කියලයි ආරංචි වෙන්නේ.
මේ වගේ තීරණයක් ගන්න ප්‍රධානම හේතුව වෙලා තියෙන්නේ නිර්මාණාත්මක ගැටලු නෙවෙයි, ඒක සම්පූර්ණයෙන්ම මුදල් සම්බන්ධ ප්‍රශ්නයක්. පවර් රේන්ජර්ස් වගේ ලොකු බජට් එකක් යන සුපිරි වීර කතා මාලාවක් හදද්දී, ඒකේ අයිතිය තමන් සතු නොවන විට ඩිස්නි වගේ ආයතනයකට ලොකු ආර්ථික වාසියක් ලැබෙන්නේ නැහැ. ඇත්තටම පවර් රේන්ජර්ස් කියන සන්නාමයේ අයිතිය තියෙන්නේ හස්බ්‍රෝ (Hasbro) සමාගමටයි. මීට කලින් නෙට්ෆ්ලික්ස් ආයතනයත් මේ වගේ උත්සාහයක් ගත්තත් ඒකත් සාර්ථක වුණේ නැහැ.
දැනට ස්ටයින්බර්ග් සහ ෂොට්ස් දෙන්නා පර්සි ජැක්සන් තුන්වන කතා මාලාවේ වැඩ කටයුතු අවසන් කරන ගමන් ඉන්නේ. ඒ වගේම ඔවුන් ඩිස්නි ස්ටුඩියෝ එක වෙනුවෙන් තවත් අලුත් වැඩ කිහිපයකම නිරත වෙලා ඉන්නවා. කොහොම වුණත්, පවර් රේන්ජර්ස් රසිකයන්ට නම් මේ ආරංචිය ටිකක් කලකිරීමක් ඇති කරන එකක් බව නොකියාම බැහැ.
Discussion & Feedback