කඩුවෙල, බොමිරිය ප්රදේශයේදී කල් ඉකුත් වූ කෘෂි රසායනික ද්රව්ය විශාල තොගයක් ව්යාජ ලේබල් අලවා වෙළඳපොළට නිකුත් කිරීමට සූදානම් කර තිබියදී පොලිසිය විසින් වැටලීමක් සිදුකර තිබෙනවා. පසුගිය ජූලි 21 වැනිදා සිදුකළ මෙම වැටලීමේදී කල් ඉකුත් වූ පළිබෝධනාශක, වල්නාශක, දිලීර නාශක සහ පොහොර වර්ග විශාල ප්රමාණයක් සොයා ගැනීමට පොලිසියට හැකි වුණා. මෙහිදී ඝන ද්රව්ය කිලෝග්රෑම් 376කට අධික ප්රමාණයක් සහ ද්රව රසායනික ලීටර් 1170කට වැඩි ප්රමාණයක් පොලිස් භාරයට ගෙන තිබෙනවා.
මෙම ජාවාරම සම්බන්ධයෙන් අම්පාර නව නගරයේ පදිංචි 34 හැවිරිදි පුද්ගලයෙකු අත්අඩංගුවට ගෙන ඇති අතර, මෙම රසායනික ද්රව්ය ප්රවාහනය සඳහා යොදාගත් බවට සැක කෙරෙන ලොරි රථ හතරක් ද පොලිස් භාරයට ගෙන තිබෙනවා. මේ වන විට පාරිභෝගික කටයුතු පිළිබඳ අධිකාරිය විසින් අත්අඩංගුවට ගත් සියලුම භාණ්ඩ සහ වාහන මුද්රා තබා ඇති අතර, සිද්ධිය සම්බන්ධයෙන් වැඩිදුර විමර්ශන කටයුතු පොලිසිය විසින් සිදුකරමින් පවතිනවා. ගොවීන්ගේ අස්වැන්නට සහ පසට දැඩි හානි සිදුකළ හැකි මෙවැනි ව්යාජ නිෂ්පාදන වෙළඳපොළට නිකුත් කිරීම බරපතල තත්ත්වයක් බැවින්, පාරිභෝගිකයන් සහ ගොවි ජනතාව මෙවැනි දේ මිලදී ගැනීමේදී වඩාත් සැලකිලිමත් වීම ඉතා වැදගත් වෙනවා.

Discussion & Feedback